Nashik News : कसमादे परिसरात शेतातील मका, बाजरी काढणीच्या कामांना वेग आला आहे. परतीच्या पावसाने शेतातील कामांचा खोळंबा झाला असतानाच निवडणूक रणधुमाळीत मका, बाजरी कापणीला मजुरांची चणचण आहे. काढणीसाठी यंत्राला मागणी वाढली आहे.
मका कापणी, खुडणी, चारा गोळा करणे, कणीस आवरणे ही सगळी कामे शेतकऱ्यांसह मजूर करीत आहेत. काही शेतकरी मजुरांअभावी आधुनिक तंत्रज्ञानाचा वापर करून शेतातील उभ्या असलेल्या मका पिकाची यंत्राद्वारे कापणी करीत आहेत.
उभ्या मका पिकात हार्वेस्टर यंत्राच्या सहाय्याने एका बाजूला मकाचा भुसा, दाणे यांचे साठवण होऊन मका काढणीचे काम कसमादे परिसरात वेगाने सुरू आहे. त्यासाठी यंत्राला वाढती मागणी आहे. दिवसभरात यंत्राद्वारे २० एकर तर रात्र-दिवसांत ३० एकर क्षेत्र मका कापणीचे क्षेत्र काढले जाते.
मका कापणीचे ३५०० ते ४००० रुपये एकरी दर घेतले जातात. आतापर्यंत परिसरातील मका, सोयाबीन कापला गेला आहे. शेतकऱ्याला यंत्राने आपले रान मोकळे करून पुढील रब्बीचे पीक घेण्याची धावपळ करावी लागत आहे.
यंत्राच्या मदतीने टेहरे, वडेल, सौंदाणे, पाटणे, मुंगसे गावांनी मका काढला आहे. यंत्राद्वारे तालुक्यातील मका, बाजरी, सोयाबीन काढणी होत असून यंत्राला मागणी आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.