Nashik News: शासनाने आधारभूत किंमत खरेदी योजनेअंतर्गत मका आणि सोयाबीन खरेदीत विलंब केल्यामुळे शेतकऱ्यांच्या अडचणी वाढल्या. या विलंबामुळे शेतकऱ्यांचे कंबरडे मोडले, अशी टीका स्वाभिमानी शेतकरी संघटनेचे अध्यक्ष माजी खासदार राजू शेट्टी यांनी केली..रविवारी (ता. ४) सिन्नर येथील शासकीय विश्रामगृहात श्री. शेट्टी यांच्या मार्गदर्शनाखाली जिल्हा कार्यकारिणीची आढावा बैठक पार पडली. या वेळी शेती प्रश्नांसह रेल्वेच्या प्रश्नावरून अनेक मुद्दे चर्चेत आले. जिल्ह्यातील पदाधिकारी या वेळी उपस्थित होते. जिल्ह्यातील बंद पडलेले साखर कारखाने, नाशिक पुणे हायस्पीड रेल्वे मार्गाच्या प्रश्नावरून संघटनेने रोखठोक भूमिका मांडली..Raju Shetti: १२९ कारखान्यांकडे २ हजार कोटींची एफआरपी थकित, राजू शेट्टींची साखर आयुक्तांकडे तक्रार.स्वाभिमानी शेतकरी संघटनेच्या कार्यकर्त्यांनी विविध मुद्दे या वेळी उपस्थित केले. जिल्ह्यातील बंद पडलेले कारखाने भाडेतत्त्वावर चालवण्यासाठी दिले गेले; मात्र राजकीय मंडळींनी स्वतःच्या फायद्यासाठी याचा वापर केला. यामुळे कारखाना तर सुरू झालाच नाही, उलट शेतकऱ्यांचे मोठे नुकसान झाले, अशी खंत कुबेर जाधव यांनी व्यक्त केली..Raju Shetti: काटा मारणारेच भाजपमध्ये; कारवाईचे धाडस दाखवा: राजू शेट्टी.संघटनेचे जिल्हाध्यक्ष निवृत्ती गारे यांनी हमीभावाचा प्रश्न मांडला, तर सिन्नर तालुकाध्यक्ष आत्माराम पगार यांनी आभार मानले. बैठकीस गजानन घोटेकर, अनिता कोल्हे, रवींद्र शेवाळे, नीलेश पगार यांच्यासह पदाधिकारी उपस्थित होते..पुणे-नाशिक रेल्वेसाठी आंदोलनाचा इशारासिन्नर औद्योगिक वसाहतीतून नाशिकरोड, सिन्नर, संगमनेर, नारायणगावमार्गे पुणे असा रेल्वे मार्ग जुन्या सर्व्हेनुसारच व्हावा, अशी भूमिका राजू शेट्टी यांनी मांडली. या संदर्भात रेल्वेच्या उपविभागीय अधिकाऱ्यांशी चर्चा करून प्रश्न सोडवण्याचा प्रयत्न केला जाईल. जर सरकारने ऐकले नाही, तर जनआंदोलन उभे करण्याचा इशारा शेट्टी यांनी या वेळी दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
