Crop Registration : गडचांदूर जि. चंद्रपूर खरीप हंगामातील पीकपेरा नोंदणी सुरू असली तरी तलाठ्यांकडून होणारी मंजुरी प्रक्रिया रखडल्याने कोरपना तालुक्यातील शेतकऱ्यांमध्ये संभ्रम निर्माण झाला आहे. ११३ गावे, चार महसूल मंडळे आणि २३ तलाठी साजे असलेल्या या तालुक्यात पीकपेरा सहाय्यकांकडून पिकांची ऑनलाइन नोंदणी सुरू आहे. मात्र, पीकपेरा मंजुरीच्या कामावर पटवारी संघटनेने बहिष्कार टाकल्याने नोंदी मंजुरीच्या टप्प्यावरच अडकण्याची शक्यता निर्माण झाली आहे..पीकपेरा प्रक्रियेनुसार पीकपेरा सहाय्यक प्रत्यक्ष शेतात जाऊन शेतकऱ्यांच्या पिकांची माहिती नोंदवितात. त्यानंतर ही नोंद संबंधित तलाठ्याकडे मंजुरीसाठी पाठविली जाते. तलाठ्याच्या मंजुरीनंतरच पीकपेराची नोंद अंतिम होऊन पुढील प्रक्रियेसाठी ग्राह्य धरली जाते आणि ती ७/१२ उताऱ्यावर दिसणे अपेक्षित असते. कोरपना तालुक्यात अनेक गावांमध्ये सहाय्यकांकडून पिकांची माहिती गोळा करून ऑनलाइन नोंदणी सुरू आहे. मात्र, नोंद पूर्ण झाल्यानंतर आवश्यक मंजुरी मिळत नसल्याने शेतकऱ्यांची चिंता वाढली आहे. सहाय्यकांकडून नोंदणी झाली तरी ती अंतिम कधी होणार आणि ७/१२ उताऱ्यावर पीकपेरा कधी दिसणार, असा सवाल शेतकरी उपस्थित करीत आहेत..E-Peek Pahani: शेतकऱ्यांचं टेन्शन मिटलं! ई- पीक पाहणी प्रक्रियेत मोठा बदल, सहायकांची नियुक्ती, शासन निर्णय जारी.पीकपेराची नोंद केवळ महसूल अभिलेखापुरती मर्यादित नसून पीकविमा, पीक नुकसानभरपाई, नैसर्गिक आपत्ती मदत तसेच कृषी व महसूल विभागाच्या विविध शासकीय योजनांसाठी ती महत्त्वाची ठरते. त्यामुळे मंजुरी प्रक्रिया दीर्घकाळ प्रलंबित राहिल्यास शेतकऱ्यांना भविष्यात विविध योजनांचा लाभ घेताना अडचणी निर्माण होण्याची भीती व्यक्त होत आहे..Moong Production: सुधारित वाण, तंत्रातून मुगाचे वाढले उत्पादन.कोरपना तालुक्याचा भौगोलिक विस्तार मोठा असून, चार महसूल मंडळांतील २३ तलाठी साजे आणि ११३ गावांमधील पीकपेरा नोंदी वेळेत पूर्ण करणे आवश्यक आहे. प्रत्यक्ष नोंदणीचे काम सुरू असले तरी मंजुरीच्या टप्प्यावर निर्माण झालेल्या अडथळ्यामुळे संपूर्ण प्रक्रियेबाबत अनिश्चितता निर्माण झाली आहे..पीकपेरा मंजुरीच्या कामावर राज्यभर संघटनेतर्फे बहिष्कार टाकण्यात आला आहे. आमच्या विविध मागण्या शासनदरबारी निवेदनाद्वारे सादर करण्यात आल्या आहेत. मागण्यांबाबत निर्णय होईपर्यंत आंदोलनाची भूमिका कायम आहे.- किशोर कुलकर, उपविभाग अध्यक्ष, राजुरा, विदर्भ पटवारी संघ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
