Farmers Challenges: खरीप हंगामाच्या पार्श्वभूमीवर जिल्ह्यात डीएपी खताची मागणी वाढू लागली असताना उपलब्ध साठा अपेक्षेपेक्षा कमी असल्याचे चित्र आहे. खरीपासाठी २६ हजार ८०० मेट्रिक टन डीएपीचे नियोजन करण्यात आले असले, तरी सध्या जिल्ह्यात केवळ ८ हजार ६५४ मेट्रिक टन साठा उपलब्ध आहे. त्यामुळे अनेक ठिकाणी शेतकऱ्यांना डीएपी मिळण्यात अडचणी येत असून कृषी विभागाकडून पर्यायी खतांच्या वापराची शिफारस केली जात आहे..जिल्ह्यातील शेतकरी खरीप पेरणीच्या तयारीला लागले आहेत. खरीप पिकांसह ऊस, फळबागा आणि भाजीपाला पिकांसाठी खतांची मागणी वाढली आहे. यंदा पावसाचे प्रमाण कमी राहण्याचा अंदाज वर्तविण्यात आल्याने अनेक शेतकरी ऊसाऐवजी सोयाबीन व तूर यांसारख्या खरीप पिकांकडे वळण्याची शक्यता व्यक्त होत आहे. गेल्या काही वर्षांत जिल्ह्यात सोयाबीन क्षेत्रात वाढ झाली असून त्यासाठी डीएपीची मागणी वाढली आहे..DAP Fertilizer Shortage: पेरणीच्या तोंडावर डीएपी खताचा तुटवडा.मात्र, अनेक खत विक्रेत्यांकडे डीएपी उपलब्ध नसल्याचे सांगितले जात असल्याने शेतकऱ्यांना पर्याय म्हणून टीएसपी खताची खरेदी करावी लागत आहे. त्यामुळे खत उपलब्धतेबाबत संभ्रमाचे वातावरण निर्माण झाले आहे..दरम्यान, युरियाचा साठा मात्र समाधानकारक असल्याचे कृषी विभागाचे म्हणणे आहे. खरीपासाठी ९९ हजार ४०० मेट्रिक टन युरियाचे नियोजन करण्यात आले असून सध्या जिल्ह्यात ३० हजार ५४९ मेट्रिक टन युरिया उपलब्ध आहे. तरीही अनेक विक्रेते युरिया उपलब्ध नसल्याचे सांगत असल्याच्या तक्रारी शेतकऱ्यांकडून केल्या जात आहेत..Urea DAP Fertilizer Shortage: डीएपी, युरियाची टंचाई खानदेशात कायम.शेतकऱ्यांना खत उपलब्ध असूनही न देणे किंवा इतर खतांसोबत सक्तीने खरेदी करण्यास भाग पाडणे (लिंकिंग) अशा प्रकारांबाबत तक्रारी आल्यास संबंधित विक्रेत्यांवर कारवाई करण्यात येईल, असा इशारा कृषी विभागाने दिला आहे. मात्र, प्रत्यक्षात तक्रार करण्यास अनेक शेतकरी धजावत नसल्याचे दिसून येत आहे..खत उपलब्धता व नियोजन (मे.टनामध्ये)डीएपीची गरज : २६,८००उपलब्ध डीएपी : ८,६५४युरियाची गरज : ९९,४००उपलब्ध युरिया : ३०,५४९.खताबाबत शेतकऱ्यांना वाईट अनुभव येत आहेत. खतांचे दर वाढले आहेत. डीएपी आणि युरिया उपलब्ध असूनही शेतकऱ्यांना दिले जात नाहीत. लिंकिंगचे प्रकारही सुरू आहेत. खरीप हंगामात शेतकऱ्यांची आर्थिक लूट होण्याची चिन्हे दिसत आहेत.- शाहरुख पाटील, शेतकरी, हिरज (ता. उत्तर सोलापूर).डीएपीचा साठा कमी असला तरी सर्व विक्रेत्यांकडे उपलब्ध आहे. युरियाचा साठा पुरेसा आहे. खत उपलब्ध असूनही न देणाऱ्या किंवा लिंकिंगची सक्ती करणाऱ्या विक्रेत्यांविरोधात शेतकऱ्यांनी तक्रार करावी. दोषींवर कठोर कारवाई केली जाईल.- हरिदास हावळे, जिल्हा कृषी अधिकारी, जिल्हा परिषद, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
