Agriculture Input Shortage: आगामी खरीप हंगामाला दीड महिना शिल्लक असताना बाजारात सध्या डीएपी खताचा मोठा तुटवडा निर्माण झालेला आहे. अकोला व वाशीम जिल्ह्यांत या खताचा साठा फारसा उपलब्ध नसून दुसरीकडे याच खताची मागणी अधिक होत असल्याने विक्रेते त्रस्त झाले आहेत. विशेष म्हणजे काही जणांकडून विक्रेत्याला डीएपी दिला जात असताना त्यासोबत नॅनो डीएपीची लिकिंगही केली जात असल्याचे वाशीम जिल्ह्यातील एका विक्रेत्याने सांगितले. .या भागात शेतकरी डीएपी, युरिया या खतांना अधिक मागणी करीत असतात. यंदाची युद्धजन्य परिस्थिती पाहता आगामी काळात खते मिळतील की नाही, याबाबत शंका घेतल्या जात आहेत. त्यामुळे बरेच शेतकरी खतांचा साठा करू लागले आहेत. अनेकांना डीएपी, युरिया हवा आहे. परंतु बाजारपेठेत डीएपीचा साठा पुरेशा प्रमाणात नाही. विक्रेत्यांना जो काही साठा मिळतो आहे, तो विकतानाही नाकीनऊ येत आहे..Fertilizer Supply: खरीप हंगामासाठी वाढीव खत मंजूर.एका विक्रेत्याने दिलेल्या माहितीनुसार, सध्या डीएपीची अधिकृत एमआरपी १३५० रुपये आहे. विक्रेत्यांना ही गोणी १३३० रुपयांना जागेवर मिळते. त्यानंतर वाहतुकीचा खर्च वेगळा लागतो. शिवाय हे खत वितरणात ‘लिंकिंग’चा प्रकारही केला जात आहे. एका गाडीवर डीएपीसोबत नॅनो डीएपीच्या १० पेट्या घेण्याची सक्ती केली जात असल्याचे विक्रेते सांगत आहेत. नॅनो डीपीएपीसाठी ७० हजारांची ही वेगळीच गुंतवणूक करावी लागत आहे. .त्यामुळे हा आर्थिक ताण झेलावा लागतो आहे. विक्री प्रक्रिया ऑनलाइन करण्यात आली असून, नियमांचे काटेकोर पालन करावे लागत आहे. ठरावीक प्रमाणापेक्षा अधिक खत दिल्यास चौकशीला सामोरे जावे लागते. शिवाय तक्रार झाल्यास परवाना.Fertilizer Shortage : पश्चिम आशियातील तणावामुळे खरीप हंगामात खतांची टंचाई; केअरएज रेटिंग्जच्या अहवालात इशारा .निलंबित होण्याची भीतीसुद्धा आहे. या पार्श्वभूमीवर विक्रेते शेतकऱ्यांना डीएपीऐवजी मिश्र किंवा पर्यायी खतांचा वापर करण्याचा सल्ला देत आहेत. शेतकऱ्यांनी पर्यायी खतांना पसंती न दिल्यास काळाबाजार व ‘लिंकिंग’सारखे प्रकार वाढण्याची शक्यताही नाकारता येत नाही..युद्धाचा परिणाम बांधापर्यंतदरम्यान, जागतिक पातळीवरील युद्धजन्य परिस्थितीमुळे खत पुरवठ्यावर परिणाम दिसून येऊ लागला आहे. शेतकरी मोठ्या प्रमाणात खतांची मागणी करीत आहेत. यंदा एप्रिल महिन्यातच राज्यात सुमारे २४ हजार टन खताची विक्री झाल्याने सर्व सरकारी यंत्रणा सतर्क झाली आहे. या पार्श्वभूमीवर दिल्लीस्तरावरून आदेश जारी करण्यात आले असून, खत विक्रेता व खरेदीदार शेतकऱ्यांपर्यंत चौकशी केली जात आहे..जिल्ह्यात काही ठिकाणी स्थानिक अधिकाऱ्यांनी थेट शेतकऱ्यांच्या घरी जाऊन पडताळणी केली. त्याचे व्हिडिओ तयार करून वरिष्ठांना पाठवले. आगामी काळात युरिया व डीएपी खतांचा साठा सरकारी नियंत्रणातून वितरित करण्याबाबत हालचाली सुरू असल्याचीही बाजारपेठेत चर्चा पसरली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
