D Y Patil Agricultural University : डी. वाय. पाटील कृषी विद्यापिठाला गांडूळ खत चाळणी यंत्रासाठी भारतीय पेटंट

D Y Patil Agricultural University Kolhapur : डी. वाय. पाटील कृषी व तंत्र विद्यापीठाच्या कृषी अभियांत्रिकी विभागातील एम. टेक. कृषीचे विद्यार्थी अमोल गाताडे यांनी निर्माण केलेल्या गांडूळ खत चाळणी यंत्रासाठी भारतीय पेटंट प्राधिकरणाकडून पेटंट प्राप्त झाले आहे.

डॉ. सुहास पाटील यांच्या मार्गदर्शनाखाली गाताडे यांनी हे संशोधन केले. विद्यापीठाला मिळालेले हे पहिले पेटंट आहे.

कुलगुरू प्रा. डॉ. के. प्रथापन म्हणाले, 'या शोधांतर्गत प्रमाणित केलेले हे यंत्र शेतकरी व उद्योजकांना सेंद्रिय शेतीसाठी उपयुक्त ठरणार आहे. हे यंत्र प्रोटोटाईप कार्यक्षम असून सेंद्रिय शेतीद्वारे शेतकऱ्यांना उत्पादन वाढीसाठी लाभदायक ठरेल.'

या संशोधनामध्ये गाताडे यांच्यासह कुलगुरू प्रा. डॉ. के. प्रथापन, कुलसचिव प्रा. डॉ. जयेंद्र खोत, प्राचार्य डॉ. सुहास पाटील, डॉ. रणजित पवार, असोसिएट डीन डॉ. जयंत घाटगे यांचा समावेश आहे.

या यशाबद्दल कुलपती डॉ. संजय डी. पाटील, संस्थेचे उपाध्यक्ष आमदार सतेज डी. पाटील, विश्वस्त आमदार ऋतुराज पाटील, कार्यकारी संचालक डॉ. ए. के. गुप्ता यांनी गाताडे व सहकाऱ्यांचे अभिनंदन केले.