Agriculture Irrigation : ‘बोरी’तून सिंचनासह पिण्याच्या पाण्यासाठी आवर्तन

Rabi Irrigation : बोरी मध्यम प्रकल्प रब्बी हंगाम २०२३-२४ उन्हाळी बिगर सिंचन कालवाद्वारे पाणी देण्याबाबत आज मान्यवरांच्या उपस्थितीत निर्णय घेऊन बोरी प्रकल्पातून दोन आवर्तन सुटली जाणार आहेत.
Agriculture Irrigation
Agriculture IrrigationAgrowon

Jalgaon News : खरीप हंगाम वाया गेला असून, तालुक्यातील बोरीलगत असलेल्या परिसरासह आजूबाजूच्या शेतकऱ्यांना रब्बी हंगाम चांगला जावा, यासाठी बोरी प्रकल्पातून सिंचनासाठी व बिगर सिंचनासाठी असे दोन आवर्तन सोडावे, अशा सूचना आमदार चिमणराव पाटील यांनी दिल्यात. बोरी वसाहत येथे झालेल्या कालवा सल्लागार समितीच्या बैठकीत ते बोलत होते.

या वेळी माजी कृषी सभापती डॉ. दिनकर पाटील, तालुका कृषी अधिकारी अमोल पाटील, उपकार्यकारी अभियंता गिरणा पाटबंधारे जळगाव एस. पी. चव्हाण, कार्यकारी अभियंता गिरणा पाटबंधारे जळगाव डी. पी. अग्रवाल, साहाय्यक अभियंता एस. जी. पाटील, शाखा अधिकारी पी. जे. काकडे, शाखा अधिकारी अतुल महाजन, कालवा सल्लागार समिती सदस्य यांच्यासह मनोहर पाटील,

दिलीप पाटील, अनिल पाटील, रामचंद्र रोकडे, राजाराम पाटील, बाजार समिती माजी संचालक प्रेमानंद पाटील, सुयोग पाटील, कालवा निरीक्षक नाना पाटील, शशिकांत ठाकरे, अतुल पाटील, कमलेश दाभाडे, विकास देवरे, युवराज देवरे, विनोद पाटील, धनराज माळी, पी.एस. पाटील, नंदू पाटील व पाटबंधारे कर्मचारी तसेच लाभधारक शेतकरी उपस्थित होते.

Agriculture Irrigation
Agriculture Irrigation : शेतीसाठी ‘उजनी’तून आज पाणी सोडणार

या वेळी आमदार पाटील यांनी यावर्षी रब्बी हंगामाकरिता बोरी प्रकल्पातून कालव्याद्वारे सिंचनासाठी एक आवर्तन देण्यात यावे, तसेच बिगर सिंचनासाठी उन्हाळ्यात उजव्या व डाव्या कालव्याद्वारे पिण्याच्या पाण्याचे एक आवर्तन देण्यात यावे.

Agriculture Irrigation
Agriculture Irrigation : ‘मुळशी’तील वाया जाणारे पाणी कृष्णा खोऱ्यातील शेतकऱ्यांना द्या

याप्रमाणे बोरी प्रकल्पातून कालव्यातून सिंचनासाठी एक आवर्तन व पिण्याच्या पाण्यासाठी एक आवर्तन असे दोन आवर्तन देण्याच्या सूचना यावेळी आमदार पाटील यांनी केल्या. या वेळी भोकरबारी मध्यम प्रकल्पातून रब्बी हंगाम २०२३ -२४ करिता कालव्याद्वारे सिंचनाचे एक आवर्तन देण्याचे ठरविण्यात आले.

सिंचन पाणीपट्टी भरण्याचे आवाहन

बोरी मध्यम प्रकल्प रब्बी हंगाम २०२३-२४ उन्हाळी बिगर सिंचन कालवाद्वारे पाणी देण्याबाबत आज मान्यवरांच्या उपस्थितीत निर्णय घेऊन बोरी प्रकल्पातून दोन आवर्तन सुटली जाणार आहेत. यासाठी शेतकऱ्यांनी पाणी अर्ज लवकरात लवकर भरून सिंचन पाणीपट्टी भरण्याचे आवाहन गिरणा पाटबंधारे विभागाकडून करण्यात आले. निवृत्त स्थापत्य अभियांत्रिकी साहाय्यक व्ही. एम. पाटील यांनी सूत्रसंचालन केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com