क्रिस्टल’चे उसामधील तणनाशक ‘होला’ बाजारात दाखल

नाशिक: क्रिस्टल क्रॉप प्रोटेक्शन (crystal crop protection) लि. या भारतीय कंपनीने ऊस (Sugar Cane) पिकातील तणांच्या बंदोबस्तासाठी ‘होला’ हे तणनाशक (herbicides) बाजारात आणले आले. ऊस पिकातील मुख्य अडचण असलेल्या लव्हाळा या तणाच्या नियंत्रणासाठी (Weed control) क्रिस्टलने अभ्यासपूर्वक नवीन उत्पादन आणले असल्याचा दावा कंपनीने केला.

गेल्या तीन ते चार वर्षांपासून महाराष्ट्रातील नगर, पुणे, कोल्हापूर, नाशिक, औरंगाबाद अशा जिल्ह्यांत ‘होला’ या तणनाशकाच्या (herbicides0 चाचण्या घेण्यात आल्या. या उत्पादनाचा विक्री शुभारंभ नुकताच संगमनेर, नारायणगाव, नगर, कोल्हापूर, सोलापूर, फलटण, औरंगाबाद या ठिकाणांहून अधिकृतपणे करण्यात आला. या कार्यक्रमामध्ये बोलताना कंपनीचे झोनल मार्केटिंग प्रमुख राहुल जतकर यांनी ‘होला’ हे उगवून आलेल्या रुंद व लांब पानांच्या तणांना मारते. त्याची फवारणी जमिनीत पुरेशी ओल असताना तणे उगवल्यानंतर दोन ते चार पानांच्या अवस्थेत करावी. ऊस पिकासाठी हे तणनाशक (herbicides) पूर्णपणे सुरक्षित असल्याचा दावा त्यांनी केला.

या कार्यक्रमात ऑनलाइन पद्धतीने प्रत्यक्ष शेतातून (Farming) या उत्पादनाचे परिणाम दाखवण्यात आले. या कार्यक्रमामध्ये कंपनीचे कस्टमर मार्केटिंग प्रमुख सचिन मित्तल, कृषी उपाध्यक्ष सागर भांडेकर, रिजनल बिझनेस हेड मयूर जारकड, रिजनल मार्केटिंग मॅनेजर किरण दौंड, संशोधन आणि विकास विभागाचे संदीप भुसाळ यांच्यासह महाराष्ट्रातील वितरक, विक्रेते, कंपनीचे प्रतिनिधी उपस्थित होते.