Climate Change: बदलत्या हवामानाचा अंदाज घेऊन शेतकऱ्यांनी आपल्या पिकाची योग्य ती काळजी घ्यावी, तज्ज्ञांनी केलेले मार्गदर्शन लक्षात घेऊन आणि शेतकऱ्यांसाठी असलेल्या ॲग्रोवन दैनिकातील लेख, बातम्या व त्यातील माहितीचा लाभ घेऊन अधिकाधिक उत्पादन घेता येईल, असे प्रतिपादन नंदुरबार तालुक्यातील कोळदा येथील कृषी विज्ञान केंद्राचे विषय विशेषज्ज्ञ जयंत उत्तरवार यांनी केले..खांडबारा (ता. नवापूर) येथे ‘ॲग्रोवन’च्या २१ व्या वर्धापन दिनानिमित्त आयोजित कार्यक्रमात ते बोलत होते. डॉ. हेडगेवार सेवा समिती संचालित नंदुरबार तालुक्यातील कोळदा येथील कृषी विज्ञान केंद्र आणि ‘अग्रोवन’तर्फे हा कार्यक्रम झाला. ‘भूमी सुपोषण’ अंतर्गत ‘खरीप पीक पूर्व हंगाम नियोजन’ या विषयावर मार्गदर्शन करण्यात आले..Agriculture Advisory: ढगाळ हवामान; किमान, कमाल तापमानात वाढ शक्य .डॉ. हेडगेवार सेवा समितीचे संचालक यशपालभाई पटेल अध्यक्षस्थानी होते. कृषी विज्ञान केंद्राचे वरिष्ठ शास्त्रज्ञ व प्रमुख राजेंद्र दहातोंडे, राजेंद्र दहातोंडे, उमेश पाटील, आरती देशमुख, श्री. चौरे उपस्थित होते. विषय विशेषज्ज्ञ उतरवार यांनी भूमी सुपोषण या विषयात मार्गदर्शन केले. तसेच शेतकऱ्यांशी निगडित विविध विषयावर त्यांनी शेतकऱ्यांच्या शंकांचे निरसन केले. .Agriculture Advisory : कृषी सल्ला ः कोकण विभाग.कृषिविद्याबाबत उमेश पाटील आणि गृहविज्ञानाविषयी आरती देशमुख यांनी मार्गदर्शन केले. खरीप हंगामात पिकांची निवड, बियाणे प्रक्रिया, एकात्मिक कीड-रोग व्यवस्थापन आणि जमिनीच्या आरोग्यासाठी सुपोषणाचे महत्त्व यावर तज्ज्ञांनी भर दिला. सूत्रसंचालन प्रवीण चव्हाण यांनी केले. आरती देशमुख यांनी आभार मानले. निर्मल गावित, योगेश पाडवी, समर्थ पाटील यांनी संयोजन केले..महिलांचा सन्मानया वेळी कृषी प्रक्रिया, शेती क्षेत्रात चांगले काम करणाऱ्या महिला, गटांचा सत्कार करण्यात आला. त्यात जय मल्हार महिला बचत गट (श्रावणी), मनिषा वळवी (खैरवे), प्रमिला कोंकणी (श्रावणी), भारत लक्ष्मी कन्या समिती (खंडबारा) अर्चना वळवी (पानीपाडा) यांचा सन्मान करण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
