Nanded News: राज्य शासनाने शेतकऱ्यांसाठी पीक कर्जमाफीची घोषणा केल्याने नांदेड जिल्ह्यातील शेतकऱ्यांना दिलासा मिळण्याची अपेक्षा व्यक्त केली जात आहे. शासनाने शुक्रवारी जाहीर केलेल्या निर्णयानुसार सप्टेंबर २०२५ पर्यंत एनपीए (थकबाकीदार) झालेल्या शेतकऱ्यांचे दोन लाख रुपयांपर्यंतचे पीक कर्ज माफ करण्यात येणार आहे. तसेच नियमित कर्जफेड करणाऱ्या चालू बाकीदार शेतकऱ्यांना ५० हजार रुपयांचे प्रोत्साहन अनुदान देण्याची घोषणा करण्यात आली आहे..जिल्ह्यात दरवर्षी खरीप व रब्बी हंगामासाठी शेतकऱ्यांना विविध राष्ट्रीयकृत, सहकारी व ग्रामीण बँकांमार्फत पीक कर्जाचे वाटप करण्यात येते. मात्र अवकाळी पाऊस, दुष्काळ, पिकांचे नुकसान, बाजारभावातील चढ-उतार यांसारख्या विविध संकटांमुळे अनेक शेतकऱ्यांना वेळेवर कर्जफेड करणे शक्य होत नाही..Farm Loan Relief: कर्जमाफी शेतकऱ्यांना देणार, बँकांना नाही: फडणवीस.परिणामी अनेकांचे कर्ज थकीत होऊन एनपीएमध्ये जाते. कर्जाच्या ओझ्यामुळे जिल्ह्यातील काही शेतकऱ्यांनी आत्महत्याही केल्याच्या घटना घडल्या आहेत. राज्य शासनाच्या नव्या निर्णयामुळे अशा थकबाकीदार शेतकऱ्यांना दिलासा मिळण्याची शक्यता आहे. सप्टेंबर २०२५ पर्यंत एनपीए झालेल्या शेतकऱ्यांचे दोन लाख रुपयांपर्यंतचे कर्ज माफ करण्यात येणार असल्याने अनेक शेतकऱ्यांना या योजनेचा लाभ मिळू शकतो..Farm Loan Waiver: दोन लाखांवरील थकबाकीदारांचे काय? .दरम्यान, या निर्णयामुळे नांदेड जिल्ह्यातील नेमक्या किती शेतकऱ्यांना लाभ मिळणार याबाबतची माहिती अद्याप स्पष्ट झालेली नाही. शासनाच्या अधिकृत आदेशानंतर जिल्ह्यातील सर्व बँकांकडून कर्जाची माहिती संकलित केली जाईल. त्यानंतर लाभार्थी शेतकऱ्यांची संख्या निश्चित होईल, अशी माहिती जिल्हा अग्रणी बँक व्यवस्थापक बी. जी. सोनकांबळे यांनी दिली. दुसरीकडे, जिल्ह्यातील शेतकरी नेते व विविध शेतकरी संघटनांच्या पदाधिकाऱ्यांनी या निर्णयावर प्रतिक्रिया व्यक्त केली आहे..कर्जमाफीचा निर्णय स्वागतार्ह असला तरी सरसकट सर्व शेतकऱ्यांचे कर्ज माफ होणे अपेक्षित होते, असे मत त्यांनी व्यक्त केले. अनेक शेतकरी कर्जबाजारी असून मर्यादित कर्जमाफीमुळे सर्वांना दिलासा मिळणार नाही, अशीही भूमिका काही संघटनांनी मांडली आहे. राज्य शासनाच्या या निर्णयामुळे जिल्ह्यातील कर्जबाजारी शेतकऱ्यांना काही प्रमाणात दिलासा मिळेल, अशी अपेक्षा व्यक्त होत असली तरी प्रत्यक्षात किती शेतकऱ्यांना लाभ मिळतो याकडे आता सर्वांचे लक्ष लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
