Crop Loan News Updates: अमरावती : खरीप हंगामात अतिवृष्टी व पूरस्थितीमुळे जिल्ह्यातील हजारो हेक्टरवरील पिकांचे नुकसान झाले. या पार्श्वभूमीवर राज्य शासनाने २६ नोव्हेंबर २०२५ रोजी पीक कर्ज पुनर्गठन व कर्जवसुली स्थगितीचा आदेश काढला. मात्र प्रत्यक्षात बँकांकडून अंमलबजावणी होत नसल्याने शेतकऱ्यांवर वसुलीचा तगादा वाढल्याच्या तक्रारी आहेत..जिल्ह्यात खरीप हंगामात सुमारे ५.८० लाख हेक्टर क्षेत्रावर पेरणी झाली होती. त्यापैकी सुमारे १.७५ लाख हेक्टर क्षेत्रावरील कापूस, सोयाबीन व तूर पिकांचे ३३ टक्क्यांहून अधिक नुकसान झाल्याचा प्राथमिक पंचनामा अहवालात उल्लेख आहे. अंदाजे १.९० लाख शेतकरी बाधित ठरले असून त्यांच्याकडे सुमारे १,४५० कोटी रुपयांचे पीक कर्ज प्रलंबित आहे..Crop Loan: पीक कर्ज प्रस्ताव अधिक, पण निधी कमी.शासनाने दिलेल्या निर्देशानुसार बाधित शेतकऱ्यांचे अल्पमुदतीचे पीक कर्ज मध्यम मुदतीत रूपांतरित करणे, एक वर्षाची वसुली स्थगिती देणे आणि व्याजदर सवलत लागू करणे अपेक्षित होते. मात्र जिल्ह्यातील ३२ राष्ट्रीयीकृत, जिल्हा मध्यवर्ती व ग्रामीण बँकांच्या ४८७ शाखांपैकी मोठ्या प्रमाणात शाखांकडून पुनर्गठनाचा अहवाल अद्याप जिल्हा उपनिबंधक कार्यालयाला प्राप्त झालेला नाही. दरम्यान, मार्च अखेरीस आर्थिक वर्ष संपत असल्याने बँकांकडून थकीत कर्ज वसुलीसाठी नोटिसा देणे, खातेदारांना फोन करून तगादा लावणे तसेच काही ठिकाणी जप्तीची कारवाई सुरू असल्याच्या तक्रारी शेतकरी संघटनांनी केल्या आहेत. त्यामुळे आर्थिक विवंचनेत असलेले शेतकरी अधिकच अडचणीत सापडले आहेत. जिल्हा प्रशासनाकडून बँकांना शासन परिपत्रकाची काटेकोर अंमलबजावणी करण्याच्या सूचना देण्यात आल्या आहेत. संबंधित शाखांनी पुनर्गठन केलेल्या खात्यांचा तपशील, स्थगिती दिलेल्या कर्जांची संख्या व रकमेचा अहवाल तातडीने सादर करण्याचे निर्देश देण्यात आल्याची माहिती सूत्रांनी दिली..Crop Loan Defaulter: साडेतीन लाख शेतकरी पीककर्ज थकबाकीदार.शेतकरी संघटनांची मागणीशेतकरी संघटनांच्या मते, बाधित शेतकऱ्यांना तातडीने दिलासा देण्यासाठी कर्ज पुनर्गठनाची प्रक्रिया सुलभ करणे, अर्जाशिवाय सरसकट अंमलबजावणी करणे आणि वसुलीवर स्पष्ट बंदी घालणे गरजेचे आहे. अन्यथा आगामी हंगामासाठी भांडवल उभारणीवर परिणाम होऊन उत्पादनक्षमतेवरही विपरीत परिणाम होण्याची भीती व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
