Credit Scheme of Farmers: धाराशिव जिल्ह्यात यंदा पावसाने हुलकावणी दिली. त्यातच पुण्यश्लोक अहिल्यादेवी होळकर कर्जमुक्ती योजना जाहीर होऊनही कर्जमाफीची रक्कम खात्यावर जमा होण्यास विलंब झाला. याचा परिणाम खरीप हंगामातील पीककर्ज वाटपावर झाला असून, १७ ऑगस्टपर्यंत जिल्ह्यात निश्चित उद्दिष्टाच्या ४१.६२ टक्के कर्जवाटप झाले आहे. .कर्जमाफीच्या प्रतीक्षेत पीककर्ज वाटप रखडले असून, कर्जमाफीची रक्कम जमा होऊन खाते निल झाल्यानंतर कर्जवाटपात वाढ होण्याची शक्यता आहे. दरम्यान, आठ बँकांनी अद्याप एक रुपयाचेही कर्जवाटप केले नसल्याचे पुढे आले आहे. महाराष्ट्र ग्रामीण बँकेने सर्वाधिक १८ हजार ५७३ शेतकऱ्यांना २१५ कोटी रुपयांचे कर्जवाटप करून ७१ टक्के उद्दिष्ट साध्य केले आहे..Loan Waive Amount: बँकेच्या कर्जापेक्षा कर्जमाफीची रक्कम कमी.जिल्हा मध्यवर्ती बँकेने ३२ हजार ८५ शेतकऱ्यांना १६० कोटी रुपयांचे कर्जवाटप करून ५४ टक्के उद्दिष्ट गाठले आहे. महाराष्ट्र ग्रामीण बँकेला खरीप हंगामासाठी ३०३ कोटी १२ लाख, तर जिल्हा बँकेला २९५ कोटी ७८ लाख रुपयांचे उद्दिष्ट आहे. मोठे उद्दिष्ट असलेल्या बँक ऑफ महाराष्ट्रने ४ हजार ३४६ शेतकऱ्यांना ६८ कोटी रुपयांचे कर्जवाटप करून २६ टक्के उद्दिष्ट पूर्ण केले..भारतीय स्टेट बँकेने १४ हजार १७ शेतकऱ्यांना २६४ कोटी रुपयांचे कर्जवाटप करून ४२ टक्के उद्दिष्ट साध्य केले आहे. बँक ऑफ महाराष्ट्रला २५९ कोटी ४ लाख, तर भारतीय स्टेट बँकेला ४२५ कोटी ७७ लाख रुपयांचे पीककर्ज वाटपाचे उद्दिष्ट आहे.यंदाच्या खरीप हंगामात जिल्ह्यातील शेतकऱ्यांना १ हजार ५९५ कोटी ४३ लाख रुपयांचे पीककर्ज वाटप करण्याचे उद्दिष्ट निश्चित करण्यात आले आहे. आतापर्यंत ६५ हजार ३८९ शेतकऱ्यांना ६६४ कोटी ५ लाख रुपयांचे कर्जवाटप झाले आहे. कर्जवाटपाचे प्रमाण ४१.६२ टक्के आहे..Farm Loan Waiver: वाशीम जिल्ह्यातील ३५ हजार शेतकऱ्यांची कर्जमुक्ती.जिल्ह्यात यंदा पावसाने मोठा खंड दिल्याने पेरण्यांवर परिणाम झाला. सर्वदूर कमी पाऊस झाल्याने पेरण्या खोळंबल्या. ऑगस्टच्या पहिल्या आठवड्यापर्यंत टप्प्याटप्प्याने पेरण्या सुरू होत्या. दरम्यान, सरकारने कर्जमुक्ती योजना जाहीर केल्याने कर्जमाफी मिळाल्यानंतरच पीककर्ज घेण्याला शेतकऱ्यांनी प्राधान्य दिले. कर्जाचे नूतनीकरण करण्यासाठीही शेतकऱ्यांनी विशेष स्वारस्य दाखविले नसल्याचे चित्र आहे..काही दिवसांपासून कर्जमुक्तीची रक्कम शेतकऱ्यांच्या खात्यावर जमा होण्यास सुरुवात झाली आहे. त्यामुळे बँकांकडून नवीन पीककर्ज वाटपाला सुरुवात होण्याची शक्यता आहे. त्यानंतर कर्जवाटपाचा टक्का वाढण्याची शक्यता आहे. दरम्यान, बँकांना आधीपासूनच पीककर्ज वाटपात फारसे स्वारस्य नसताना यंदा पावसाचा खंड आणि कर्जमुक्तीची रक्कम जमा होण्यास झालेला विलंब, या दोन्ही कारणांचा परिणाम कर्जवाटपावर झाला आहे..बँकांचे वाटप ३१ टक्केचजिल्ह्यातील राष्ट्रीयीकृत बँकांचे कर्जवाटप ३१ टक्के, तर सार्वजनिक क्षेत्रातील इतर बँकांचे वाटप केवळ १६ टक्के आहे. एचडीएफसी बँकेने ३१८ शेतकऱ्यांना ८ कोटी ८ लाख रुपयांचे कर्जवाटप करून ८१.५३ टक्के उद्दिष्ट साध्य केले आहे. युको बँकेने १५० शेतकऱ्यांना २ कोटी ८१ लाख रुपये (२६.३८ टक्के), युनियन बँक ऑफ इंडियाने २२२ शेतकऱ्यांना ५ कोटी २ लाख रुपये (५५.१६ टक्के), आयसीआयसीआय बँकेने ३६३ शेतकऱ्यांना १३ कोटी ८४ लाख रुपये (१७.८७ टक्के) कर्जवाटप केले आहे..बँक ऑफ बडोदाने १५ शेतकऱ्यांना १९ लाख रुपये (१.१९ टक्के), बँक ऑफ इंडियाने ७१९ शेतकऱ्यांना ८ कोटी ६३ लाख रुपये (१६.५६ टक्के), इंडियन बँकेने २९ शेतकऱ्यांना ४० लाख रुपये (३.७१ टक्के), ॲक्सिस बँकेने २१ शेतकऱ्यांना ७७ लाख रुपये (६.८६ टक्के), रत्नाकर बँकेने ९ शेतकऱ्यांना ५८ लाख रुपये (३१.५२ टक्के), तर आयडीबीआय बँकेने एका शेतकऱ्याला २० लाख रुपयांचे (०.५२ टक्के) पीककर्ज वाटप केले आहे. कॅनरा बँक, सेंट्रल बँक ऑफ इंडिया, पंजाब नॅशनल बँक, बंधन बँक, डीसीबी बँक, आयडीएफसी फर्स्ट, कोटक महिंद्रा बँक आणि सीएसबी बँकेने अद्याप एक रुपयाचेही कर्जवाटप केलेले नाही..यावर्षी कर्जमाफीमुळे पीककर्ज वाटपावर मोठा परिणाम झाला आहे. नवीन शेतकऱ्यांनाच कर्जवाटप करून बँकांनी उद्दिष्ट साध्य केले आहे. कर्जमुक्तीची रक्कम येण्याची प्रतीक्षा बँकांसोबतच शेतकऱ्यांनाही आहे. ती जमा झाल्यानंतर कर्जवाटप वाढू शकते. कर्जाचे नूतनीकरण करण्यासाठी शेतकरी कर्जमाफीच्या रकमेची प्रतीक्षा करीत आहेत. लवकरच कर्जमुक्तीची रक्कम जमा होईल आणि त्यानंतर कर्जवाटपाचे प्रमाण वाढेल.कुमूद पांडा, जिल्हा अग्रणी बँक व्यवस्थापक, धाराशिव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
