Rural Banking : परभणी चालू खरीप हंगामात परभणी जिल्ह्यातील बँकांनी १५ ऑगस्टअखेर ६५ हजार ८२९ शेतकऱ्यांना ५२७ कोटी ३७ लाख रुपयांचे पीककर्ज वाटप करून ३३.३५ टक्के उद्दिष्ट पूर्ण केले आहे. गतवर्षी (२०२५) १५ ऑगस्टपर्यंत ७६ हजार ४९६ शेतकऱ्यांना ६७४ कोटी ९६ लाख रुपयांचे पीककर्ज वाटप करून ४४.६५ टक्के उद्दिष्ट पूर्ण झाले होते. त्या तुलनेत यंदा पीककर्ज वाटपाची गती संथ असल्याचे चित्र आहे..दरम्यान, पुण्यश्लोक अहिल्यादेवी होळकर शेतकरी कर्जमुक्ती योजनेअंतर्गत कर्जमाफीची रक्कम खात्यात जमा झालेल्या शेतकऱ्यांना अद्याप नवीन पीककर्जाचे वाटप सुरू करण्यात आलेले नाही..Crop Loan Distribution: नांदेड जिल्ह्यात पीककर्ज वाटपात राष्ट्रीयीकृत बँकांचा हात आखडता.यंदाच्या खरीप हंगामात परभणी जिल्ह्यातील बँकांना एक हजार ५८१ कोटी ५५ लाख रुपयांचे पीककर्ज वाटपाचे उद्दिष्ट देण्यात आले आहे. १५ ऑगस्टअखेर राष्ट्रीयीकृत बँकांनी ८३७ कोटी २६ लाख रुपयांचे उद्दिष्ट असताना ११ हजार २६९ शेतकऱ्यांना १६७ कोटी २२ लाख ८४ हजार रुपयांचे, म्हणजेच १९.९७ टक्के पीककर्ज वाटप केले..महाराष्ट्र ग्रामीण बँकेने ३४९ कोटी ९४ लाख रुपयांचे उद्दिष्ट असताना सहा हजार ९०९ शेतकऱ्यांना ८७ कोटी ५१ लाख रुपयांचे, म्हणजेच २५.०१ टक्के पीककर्ज वाटप केले. खासगी बँकांनी ९३ कोटी ३७ लाख रुपयांचे उद्दिष्ट असताना ९७९ शेतकऱ्यांना २१ कोटी ५५ लाख रुपयांचे, म्हणजेच २३.०८ टक्के पीककर्ज दिले..Rabi Crop Loan: रब्बी पीककर्ज वाटपाची उद्दिष्टपूर्ती कोसो दूर.जिल्हा मध्यवर्ती सहकारी बँकेने ३०० कोटी ९८ लाख रुपयांचे उद्दिष्ट असताना ४६ हजार ६७२ शेतकऱ्यांना २५१ कोटी आठ लाख रुपयांचे पीककर्ज वाटप करून ८३.४२ टक्के उद्दिष्ट पूर्ण केले आहे..१५ ऑगस्टअखेर चार हजार २५७ शेतकऱ्यांना ६९ कोटी ५६ लाख रुपयांचे नवीन पीककर्ज वाटप करण्यात आले, तर ६१ हजार ५७२ शेतकऱ्यांनी ४५७ कोटी ८१ लाख रुपयांच्या पीककर्जाचे नूतनीकरण केले आहे..कर्जमुक्ती लाभार्थींना नवीन पीककर्ज नाहीपुण्यश्लोक अहिल्यादेवी होळकर शेतकरी कर्जमुक्ती योजनेच्या पहिल्या व दुसऱ्या यादीतील मिळून एकूण ५२ हजार ५८३ शेतकऱ्यांच्या कर्जखात्यांमध्ये ४०८ कोटी सहा लाख रुपयांची रक्कम जमा झाली आहे. मात्र, अद्याप या शेतकऱ्यांना नवीन पीककर्जाचे वाटप सुरू करण्यात आले नसल्याचे सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
