![Crop Damage](http://media.assettype.com/agrowon%2F2024-01%2F203f2b99-c713-4cba-9241-df9689f9a7bf%2FNews_Story_Mahesh__79_.png?w=480&auto=format%2Ccompress&fit=max)
Pune News : जिल्ह्यात ढगाळ वातावरण आहे. काही ठिकाणी पाऊस पडला आहे. त्यामुळे भाजीपाला पिकांसह फळबागांचे नुकसान होऊ लागले आहे. तसेच रब्बी हंगामातील पिकांवरही परिणाम होत आहे. यामुळे शेतकरी चांगलेच धास्तावले आहेत. या पावसामुळे शेतकरी अडचणीत येण्याची शक्यता आहे.
जिल्ह्यात विविध भागांत दोन दिवसांपासून भागात पाऊस पडत आहे. त्यामुळे रब्बी हंगामातील गहू, हरभरा, करडई, कांदा या पिकांवर रोग, किडींचा प्रादुर्भाव वाढण्याची भीती आहे. तसेच फळांमध्ये द्राक्षे, आंबा, डाळिंब, अंजीर अशा पिकांनाही चांगलाच फटका बसणार आहे.
रब्बी हंगामात जिल्ह्यात सरासरी दोन लाख २९ हजार ७१२ हेक्टर क्षेत्र आहे. त्यापैकी १ लाख ४९ हजार ४३ हेक्टर म्हणजेच ६५ टक्के पेरण्या झाल्या आहेत. मात्र सततच्या बदलत्या हवामानामुळे पिकांवर रोग किडीचा प्रादुर्भाव वाढत असून फवारणीच्या खर्चात वाढ होऊ लागली आहे.
थोडक्यात महत्त्वाचे...
- पावसामुळे सुरू असलेल्या निर्यातक्षम द्राक्षाची तोडणी ठप्प
- सुमारे १५० रुपये प्रतिकिलोने विक्री होणाऱ्या द्राक्षाचे दर ७० रुपये प्रति किलोपर्यंत खाली
- कलमी आंब्यांना नुकताच आलेला मोहर भिजला, बुरशीची वाढ होण्याची भीती
- अंजीर उत्पादक हवालदिल, ढगाळ हवामानामुळे फळे उकलून गोडी कमी
- पावसाच्या हलक्या सरीमुळे खट्टा बहार संकटात
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.