Farmer Loan Waiver Debate: विधानसभेत मंगळवारी (ता. २३) शेतकरी कर्जमाफीसंदर्भात २९३ व्या नियमाखालील प्रस्तावावर चर्चा सुरू असताना सहकार विभागाचे अधिकारी अनुपस्थित असल्याने सत्ताधारी आणि विरोधी पक्षाच्या आमदारांनी तीव्र नाराजी व्यक्त केली. कृषी व सहकार खात्यांशी संबंधित मंत्री आणि अधिकारी उपस्थित नसल्याने सभागृहात सुमारे २० मिनिटांहून अधिक काळ गदारोळ झाला..विधानसभा अध्यक्षांच्या सूचनेनंतरही सहकार विभागाचे सचिव आणि संबंधित अधिकारी सभागृहात उपस्थित न राहिल्याने तालिका अध्यक्ष समाधान अवताडे यांनी संबंधितांकडून लेखी खुलासा मागविण्याचे निर्देश दिले. खुलासा समाधानकारक नसल्यास कारवाई करण्यात येईल, असा इशाराही त्यांनी दिला..Maharashtra Monsoon Session: अधिवेशनात कर्जमाफी, पीकविमा मुद्दे गाजणार.गोंधळानंतर कृषिमंत्री दत्तात्रय भरणे सभागृहात दाखल झाले. मात्र कृषी, सहकार आणि संबंधित विभागांचे अधिकारी अनुपस्थितच असल्याने सदस्यांची नाराजी कायम राहिली. भाजपचे आमदार हरीश पिंपळे यांनी सभागृहाचे कामकाज दहा मिनिटांसाठी तहकूब करण्याची मागणी केली. राज्यात पावसाअभावी पेरण्या रखडल्या आहेत, जनावरांच्या चाऱ्याचा प्रश्न निर्माण झाला आहे, मात्र प्रशासनाला त्याचे गांभीर्य नाही, असा आरोप त्यांनी केला..Maharashtra Monsoon Session 2026: 'शेतकरी हवालदिल, पाणी नाही, रात्री २ वाजेपर्यंत झोप लागत नाही', शेतकरी प्रश्नांवरुन विधानसभेत गदारोळ.भाजपचे संजय कुटे यांनीही या मुद्यावर आक्रमक भूमिका घेतली. उद्धव ठाकरे गटाचे कैलास पाटील, राष्ट्रवादी काँग्रेसचे (शरद पवार गट) रोहित पाटील यांच्यासह विरोधी पक्षातील सदस्यांनी घोषणाबाजी करत सभागृह तहकूब करण्याची मागणी केली..‘रांगत आले असते, तरी पोहोचले असते’ज्येष्ठ आमदार सुधीर मुनगंटीवार यांनी अधिकाऱ्यांच्या अनुपस्थितीवर उपरोधिक टीका केली. ते म्हणाले, ‘‘अधिकाऱ्यांना ४५ मिनिटांपूर्वी सभागृहात उपस्थित राहण्यास सांगितले होते. मंत्रालय ते विधान भवन हे अंतर इतके नाही. अधिकारी पायी आले तरी ४५ मिनिटे लागणार नाहीत. गाडीने पाच मिनिटांत पोहोचता येते. रांगत आले असते तरी ३० ते ३२ मिनिटांत येथे पोहोचले असते.’’.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
