Nagpur News : काँग्रेसचे आमदार सुनील केदार यांना नागपूरच्या जिल्हा बँक घोटाळा प्रकरणात न्यायालयाने धक्का दिला होता. न्यायालयाने निकाल देताना त्यांना दोषी ठरवत ५ वर्षांच्या कारावासह १२.५० लाख रुपयांचा दंड अशी शिक्षा ठोठावली. त्यानंतर आता रविवारी (२४ रोजी) त्यांची आमदारकी देखील रद्द झाली आहे. त्यामुळे केदार यांना न्यायालयानंतर विधीमंडळाने देखील दे धक्का केला आहे.
नागपूरच्या जिल्हा बँक घोटाळा प्रकरणात न्यायालयाने केदार यांना दोषी ठरवले होते. तसेच केदार यांना ५ वर्षांच्या कारावासह १२.५० लाख रुपयांचा दंड अशी शिक्षा ठोठावली. त्यानंतर याप्रकरणातील निर्णयाची माहिती असणारे निकाल पत्र नागपूर पोलिसांनी विधीमंडळाकडे सादर केले होते.
नागपूर पोलिसांनी विधीमंडळाकडे सादर केलेल्या माहितीवरून विधानसभा अध्यक्ष राहुल नार्वेकर काय निर्णय घेतात याकडे अनेकांचे लक्ष लागले होते. दरम्यान बँक घोटाळा प्रकरणी शिक्षा झाल्याने केदार यांची आमदारकी झाली आहे.
केदार अतिदक्षता विभागात
न्यायालयाने बँक घोटाळा प्रकरणात केदार यांना शिक्षा सुनावल्यानंतर अचानक त्यांना डोकेदुखी आणि छातीत दुखने सुरू झाले. यामुळे केदार यांना रुग्णालयात दाखल करण्यात आले होते. सध्या त्यांच्यावर अतिदक्षता विभागामध्ये उपचार सुरू आहेत.
काय आहे प्रकरण?
साल २००२ मध्ये नागपूर जिल्हा मध्यवर्ती सहकारी बँकेत हा घोटाळा झाला होता. त्यावेळी बँकेचे अध्यक्ष सुनील केदार होते. त्यांच्या अध्यक्ष काळात बँकेने १५२ कोटी रुपयांपेक्षा अधिक रकमेच्या सरकारी रोखी खरेदी केल्या होत्या. त्यातच घोटाळा झाल्याने त्यांच्यासह सहा जणांवर आरोपपत्र दाखल करण्यात आले होते. ज्याचा 22 वर्षांनंतर निकाल लागला. ज्यात न्यायालयाने केदार यांना दोषी ठरवले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.