Mumbai News: ‘‘विधान परिषदेतील काँग्रेसचे गटनेते सतेज पाटील यांना विरोधी पक्षनेते करा,’’ अशी विनंती काँग्रेसच्या ज्येष्ठ नेत्यांनी सोमवारी उद्धव ठाकरे यांच्याकडे केली. माजी आमदार बाळासाहेब थोरात, आमदार विजय वडेट्टीवार आणि आमदार अमिन पटेल यांनी सोमवारी (ता. ८) मातोश्री निवासस्थानी श्री. ठाकरे यांची भेट घेऊन चर्चा केली. .श्री. ठाकरे यांनी ग्रीन सिग्नल दिल्यानंतर काँग्रेस नेत्यांनी विधान परिषदेचे सभापती राम शिंदे यांची भेट घेतली. विधान परिषदेचे विरोधी पक्षनेते अंबादास दानवे ३१ ऑगस्ट रोजी निवृत्त झाले आहेत. संख्याबळाचा विचार करता काँग्रेस या पदासाठीचा दावेदार आहे. महाविकास आघाडी म्हणून नवीन निवड कोणत्याही वादाविना व्हावी यासाठी काँग्रेसने प्रयत्न सुरू केले आहेत..Indian Politics: शक्ती परीक्षेची उत्कंठा.काँग्रेसचे गटनेते सतेज पाटील हे सध्या शक्तिपीठ महामार्गाच्या मुद्द्यावरून आक्रमक झाले आहेत. त्यांनी राज्यभर आंदोलन उभे केले आहे. लोकसभेतील विरोधी पक्षनेते राहुल गांधी यांचे निकटचे संबंध असलेले श्री. पाटील यांची विधान परिषदेतील कामगिरी चमकदार आहे. विविध विषयांवरून त्यांनी आक्रमक भूमिका घेत सरकारला विरोध केला आहे. श्री.पाटील यांची विधान परिषदेतील ही दुसरी टर्म असून जानेवारी २०२८ पर्यंत त्यांची मुदत आहे..Maharashtra Politics: काँग्रेसमुक्त भारत करण्याच्या नादात भाजपच काँग्रेसयुक्त.यासंदर्भात श्री. ठाकरे यांनी काँग्रेसच्या ज्येष्ठ नेत्यांनी भेट घेतल्यानंतर पाटील यांच्या निवडला ग्रीन सिग्नल दिला. त्यामुळे त्यांची निवड निश्चित मानली जात आहे. विधान परिषदेच्या ७८ जागांपैकी महायुतीकडे ४० आणि महाविकास आघाडीकडे १६ सदस्य आहेत..२२ जागा रिक्त असून काँग्रेसकडे ७, तर शिवसेनेकडे (ठाकरे गट) सहा जागा आहेत. राष्ट्रवादी शरद पवार गटाकडे ३ जागा आहेत. उर्वरित जागा सत्ताधारी पक्षाकडे आहेत. त्यामुळे काँग्रेस विरोधीपक्ष नेता पदासाठी दावा करीत आहे. श्री. पाटील यांची निवड आगामी हिवाळी अधिवेशनात नागपूर येथे होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
