Rahul Gandhi : राहुल गांधीचा भाजपवर हल्लाबोल, कोल्हापुरात शिवाजी महाराज यांच्या पुतळ्याचे अनावरण

kolhapur News : छत्रपती शिवाजी महाराज यांची विचारधारा संविधानाला अनुसरून आहे. पण आज देशात जे सत्तेत बसले आहेत. ते देशातील नागरिकांना धमकावून संविधानाची भाषा करत आहेत. शिवाजी महाराज यांचे दर्शन घ्यायचं आणि सत्तेत बसून नागरिकांना वेठीस धरायचं काम सध्या सुरू असल्याचे स्पष्ट मत काँग्रेस नेते राहुल गांधी यांनी व्यक्त केले. ते कोल्हापुरातील कसबा बावडा येथे उभारलेल्या छत्रपती शिवाजी महाराज यांच्या पुतळ्याचे अनावरण केल्यानंतर सभेला संबोधित करताना राहुल गांधी बोलत होते.

राहुल गांधी म्हणाले, छत्रपती शिवाजी महाराजांचा राज्याभिषेक होत असताना याच विचारधारेनं त्यांच्या राज्याभिषेधकाला विरोध केला होता, त्याविरोधात महाराज लढत होते. त्यांची नियत नीट नव्हती म्हणून त्यांच्या हातातून अनावरण झालेला पुतळा कोसळला, असा टोला त्यांनी नाव न घेता भाजपला लगावला. त्यांनीच राम मंदिर, संसदेत ‌आदिवासी राष्ट्रपतींना उद्घाटनाला बोलावलं नाही. हीच यांची विचारधारा आहे.

मूर्ती ज्यांची बनते त्यांच्या विचाराचं आपण समर्थन करतो. महाराज सर्वांना बरोबर घेऊन जात होते. देश सर्वांचा आहे हे त्यांचे विचार होते. २१ व्या शतकातही तेच विचार आपल्या संविधानात आहे, असंही त्यांनी यावेळी स्पष्ट केलं.

छत्रपती शिवाजी महाराज यांनी स्वराज्याची स्थापना केली. मात्र त्यांचा राज्याभिषेक करण्यास एका विशिष्ट विचारधारेनं नकार दिला. त्याच विचारधारेशी आपण आता लढत आहोत. आपली लढाई त्या विचारधारेशी असल्याचेही राहुल गांधी यांनी म्हटले आहे.

मागच्या काही महिन्यात महाराष्ट्रात शिवाजी महाराज यांचा पुतळा पडला ज्यांच्या कामामुळे पडला त्यांनी पुढच्या वेळी पुतळा उभारला, तर चांगल्या विचारानं उभारावा, मात्र तुम्ही चुकीच्या विचारधारेनं पुतळा उभारला. त्यामुळे तो पुतळा कोसळला," असा हल्लाबोल राहुल गांधी यांनी केला.