Jalgaon News: खानदेशात यंदा मागील व या महिन्यात ढगाळ वातावरण तयार होण्याची समस्या दिसत आहे. मागील दोन दिवसांपासून खानदेशात पुन्हा ढगाळ वातावरण असून, दिवसाचा गारठा नाहीसा झाला आहे. पावसाळी वातावरण सकाळपासून राहत आहे. .डिसेंबरमध्ये काही दिवस ढगाळ वातावरण होते. काही दिवसांपूर्वी अंशतः ढगाळ वातावरण होते. परंतु हे वातावरण निवळले आणि थंडीचे आगमन झाले. आता पुन्हा ढग जमा होऊ लागले आहेत. या कालावधीत पावसाचा अंदाज व्यक्त करण्यात आला आहे. यामुळे शेतकऱ्यांनी धसका घेतला. सध्या किमान तापमान १५ अंश सेल्सिअसपर्यंत आहे..Climate Change Impact: हवामान बदलामुळे बागायतदार चिंताग्रस्त.पीकवाढीस अडसरथंडी कमी झाली आहे. यामुळे केळी, भाजीपाला पिकांत बुरशीजन्य रोगांचा प्रादुर्भाव होण्याची भीती आहे. कारण बुरशीजन्य रोग, किडी, अळ्यांची समस्या पिकात असते. अशात शेतकऱ्यांनी फवारण्या घेण्यास सुरुवात केली आहे. हरभरा, लहान मका, लहान केळी, वेलवर्गीय पिके आदी पिकांत फवारण्या घेतल्या जात आहेत..Climate Change Impact: ढगाळ वातावरणाचा शेतकऱ्यांना धसका.सध्या निरभ्र, कोरड्या वातावरणाची गरज रब्बी पिकांना आहे. परंतु पावसाळी वातावरण तयार झाल्याने शेतकरी चिंतेत आहेत. केळी, पपई पिकात काढणी सुरू आहे. यात केळी दरांतही या वातावरणाने पडझड झाली आहे, असे शेतकऱ्यांचे म्हणणे आहे. केळी लागवडी मात्र सुरू आहेत. हरभरा, दादर ज्वारीत दाणे पक्व होत आहेत. त्यासाठी थंडीची गरज काही दिवस आहे. कारण अनेकांनी उशिरा पेरा केला आहे..गारठा नाहीसादोन दिवसांपासून दुपारी उकाडा, उष्णता व रात्री १० नंतर थंड वातावरण तयार होत आहे. पहाटे थंडी काहीशी असते. किमान तापमानात वाढ झाली आहे. सूर्यदर्शन अधूनमधून होत आहे. जानेवारी महिना म्हणजे गुलाबी थंडीचा, शेतात भरीत पार्ट्यांना अनुकूल मानला जातो. परंतु ढगाळ वातावरणाने हुडहुडी भरविणारी थंडी या महिन्यात नसल्याची स्थिती आहे. किमान तापमानात काहीशी वाढ झाली आहे. रोग प्रादुर्भावाची भीती आहे. शेतीमालाचे किंवा पपई, केळीचे दर कमी होत आहेत. पाऊस आल्यास अनेक भागांतील शिवारात मालवाहू वाहने पोहोचू शकणार नाहीत. यात केळीची काढणी रखडू शकते, अशीही चिंता शेतकऱ्यांना आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
