Agriculture Research and Development: लिंबूवर्गीय फळपिकांतील संशोधन, तंत्रज्ञान विकास, ज्ञान व माहितीचे आदान-प्रदान तसेच शेतकरीकेंद्रित उपक्रमांना अधिक गती देण्यासाठी वसंतराव नाईक मराठवाडा कृषी विद्यापीठ आणि भारतीय कृषी संशोधन परिषदअंतर्गत नागपूर येथील केंद्रीय लिंबूवर्गीय फळ संशोधन संस्था (सेंट्रल सिट्रस रिसर्च इन्स्टिट्यूट) यांच्यात सामंजस्य करार करण्यात आला आहे. .या करारावर शनिवारी (ता. ८) नागपूर येथे वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणी मिश्रा आणि केंद्रीय लिंबूवर्गीय फळ संशोधन संस्थेचे संचालक डॉ. दिलीप घोष यांनी स्वाक्षऱ्या केल्या. या वेळी कुलगुरूंचे विशेष कार्यासन अधिकारी तथा कृषी रसायन व मृदाशास्त्र विभाग प्रमुख डॉ. हरिहर कौसडीकर तसेच केंद्रीय लिंबूवर्गीय फळ संशोधन संस्थेचे शास्त्रज्ञ व अधिकारी उपस्थित होते..Badnapur Mosambi Research Centre: बदनापूरच्या मोसंबी संशोधन केंद्राला अखेर पूर्णवेळ प्रभारी अधिकारी.डॉ. इंद्र मणी म्हणाले, ‘‘हवामान बदलाच्या स्थितीत मराठवाड्यात मोसंबी, संत्रा आणि लिंबू या फळपिकांचे गुणवत्तापूर्ण उत्पादन घेण्यासाठी हा सामंजस्य करार शेतकऱ्यांसाठी विशेष महत्त्वाचा आहे. .Agricultural Research: संशोधनाचा सांगावा!.विद्यार्थ्यांना अत्याधुनिक संशोधनाचा प्रत्यक्ष अनुभव मिळण्याबरोबरच संशोधकांना राष्ट्रीय स्तरावरील तज्ज्ञांशी संवाद साधण्याची आणि संयुक्त संशोधनाच्या संधी उपलब्ध होतील.’’.या करारामुळे लिंबूवर्गीय फळपिकांचे उत्पादन, उत्पादकता व गुणवत्ता वाढविणे, कीड-रोग व्यवस्थापन, आधुनिक लागवड तंत्रज्ञान, गुणवत्तापूर्ण लागवड साहित्य, पोषण व्यवस्थापन, काढणीपश्चात तंत्रज्ञान आणि शाश्वत उत्पादन प्रणाली आदी क्षेत्रांत संयुक्तपणे कार्य करण्याच्या संधी उपलब्ध होणार आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
