डॉ. राजेंद्र भिलारे, डॉ. सुरज नलावडे, डॉ. किरणकुमार ओंबासे सुरू ऊस लागवडीसाठी को.८६०३२, फुले २६५, फुले १०००१, फुले ऊस १५०१२, फुले ऊस १३००७ आणि फुले ऊस १५००६ या अधिक उत्पादन देणाऱ्या जातींची निवड करावी. लागवडीसाठी ऊस बेणे मळ्यातील ९ ते ११ महिने वयाचे आनुवांशिकदृष्ट्या शुद्ध आणि निरोगी बियाणे वापरावे. यामुळे उत्पादनात १५ ते २० टक्के वाढ होते..महाराष्ट्रात एकूण ऊस लागवडीखालील क्षेत्रापैकी १५ टक्के क्षेत्रावर जानेवारी ते फेब्रुवारी या कालावधीत सुरू उसाची लागवड होते.आपला प्रदेश उष्ण कटिबंधात असल्याने जे काही सेंद्रिय पदार्थ जमिनीत आहेत त्याचे विघटन होण्याचा वेग जास्त आहे. त्यामुळे सेंद्रिय पदार्थाचे संकलन आणि साठवण फार कमी प्रमाणात होते. त्याकरिता हे प्रमाण कायम ठेवणे किंवा वाढविण्यासाठी लवकर कुजणारे, मध्यम वेळ घेणारे आणि उशिरा कुजणारे सेंद्रिय खत वापरल्यास कर्बाचे प्रमाण शाश्वत ठेवता येते. ऊस लागवड करण्यापूर्वी ताग किंवा धैंचा ही हिरवळीच्या पिकांची लागवड करावी..Sugarcane Farming: उसाला तुरे फुटल्याने चिंतेत वाढ.हिरवळीचे खत नसल्यास शेवटच्या पाळीअगोदर एकरी १० टन चांगले कुजलेले शेणखत जमिनीत मिसळावे. माती परिक्षणकरून अन्नद्रव्य व्यवस्थापनाची दिशा ठरवावी. लोह, जस्त, मँगेनीज आणि बोरॉन या सूक्ष्म अन्नद्रव्यांची कमतरता असणाऱ्या जमिनीसाठी एकरी १० किलो फेरस सल्फेट, ८ किलो झिंक सल्फेट, ४ किलो मँगेनीज सल्फेट आणि २ किलो बोरॅक्स चांगल्या कुजलेल्या शेणखतामध्ये (१० : १ प्रमाण) ५ ते ६ दिवस मुरवून लागवडीच्या अगोदर सरीतून द्यावे. हुमणी प्रादुर्भाव कमी होण्यासाठी लागवडीच्या वेळी निंबोळी पेंड एकरी ८०० किलो सरीत मिसळावी..बेणे प्रक्रियाकाणी रोग तसेच कांडीवरील खवले कीड व पिठ्या ढेकूण नियंत्रणासाठी १०० लिटर पाण्यात १०० ग्रॅम कार्बेन्डाझिम आणि ३०० मिलि क्लोरपायरीफॉस मिसळून या द्रावणात बेणे १० मिनिटे बुडवावे. या प्रक्रियेनंतर १०० लिटर पाण्यात अॅसिटोबॅक्टर १० किलो व स्फुरद विरघळविणारे जिवाणू खत १.२५ किलो मिसळून तयार केलेल्या द्रावणात टिपरी ३० मिनिटे बुडवून नंतर लागवड करावी. किंवा लागवडीपूर्वी १०० लिटर पाण्यात प्रत्येकी १ लिटर द्रवरूप असेटोबॅक्टर जिवाणू, स्फुरद विरघळविणारे जिवाणू आणि पालाश विरघळविणारे जिवाणू मिसळून तयार केलेल्या द्रावणात ऊस बेणे ३० मिनिटे बुडवून लागवड करावी. जिवाणू खतांच्या प्रक्रियेमुळे ५० टक्के नत्र, २५ टक्के स्फुरद आणि २५ टक्के पालाश खतांची बचत होते..Sugarcane Farming: ऊस शेतीसाठी सूक्ष्म व्यवस्थापन, आधुनिक तंत्रज्ञान गरजेचे : पाटील.अधिक उत्पादन देणाऱ्या जातीसुरू ऊस लागवडीसाठी को. ८६०३२, फुले २६५, फुले १०००१, फुले ऊस १५०१२, फुले ऊस १३००७ आणि फुले ऊस १५००६ या अधिक उत्पादन देणाऱ्या जातींची निवड करावी.लागवडीसाठी ऊस बेणे मळ्यातील ९ ते ११ महिने वयाचे आनुवंशिकदृष्ट्या शुध्द आणि निरोगी बियाणे वापरावे. बेणे लांब कांड्याचे व फुगीर डोळ्याचे आणि रसरशीत असावे.आनुवंशिकदृष्या शुध्द बेणे वापरल्यास उत्पादनात १५ ते २० टक्के वाढ होते. दर तीन वर्षानी बेणे बदलावे. ऊस बेणे बदलाचे प्रमाण ३० टक्के पेक्षा अधिक असावे. रोपांपासून लागवड करण्यासाठी फुले सुपरकेन नर्सरी तंत्रज्ञानाचा अवलंब करावा..सुरू उसातील आंतरपिकेलागवडीनंतर उगवण पूर्ण होण्यास ३ ते ६ आठवड्यांचा कालावधी लागतो. त्यानंतर फुटवे फुटण्यास सुरुवात होते. फुटव्यांची पूर्ण वाढ होण्यास आणि संपूर्ण रिकामे क्षेत्र झाकण्यासाठी ३ ते ४ महिने लागतात. फुटव्यांची पूर्ण वाढ होईपर्यंत दोन सरींतील जागा रिकामी राहते. ऊस पिकात आंतरपीक घेताना ते अधिक पैसा देणारे, कमी कालावधी येणारे, बाजारपेठ जवळ असणारे, जमिनीची कार्यक्षमता वाढविणारे आणि उसावरील उत्पादन खर्च कमी करण्यास मदत करणारे असावे.सर्वसाधारणपणे उसाच्या मोठ्या बांधणीपूर्वी आंतरपिकाची काढणी होईल असे पीक घ्यावे. वेलवर्गीय पिकांचे वेल उसात जाऊ नये म्हणून वरच्यावर रिकाम्या जागेत सावरावे. उत्पादन दुप्पट करण्याचे तंत्रात आंतरपीक उपयोगी ठरते..पाणी व्यवस्थापनसुरू उसासाठी प्रवाही पद्धतीने हेक्टरी २५० लाख लिटर पाणी लागते. पावसाचा कालावधी वगळल्यास १५ ते १६ पाण्यामध्ये पीक येते. ठिबक सिंचनामुळे ५० ते ५५ टक्यापर्यंत पाण्याची बचत, उत्पादनात २० ते ४० टक्के वाढ, खतामध्ये २५ ते ३० टक्के बचत, तणातील खर्चात बचत २५ ते ३० टक्के बचत आणि विजेतील बचत ३० ते ४० टक्के बचत होते.सेंद्रिय कर्बाचे प्रमाणे राखण्यात आणि जमिनी क्षारयुक्त होण्यापासून वाचविण्यासाठी ठिबक सिंचन फायदेशीर ठरते. ठिबक सिंचनातून खते दिल्यास खतांची कार्यक्षमता ९० टक्यांपर्यंत वाढते, तर प्रचलित पद्धतीत ३५ ते ४० टक्के खते उपयोगी पडतात. विद्राव्य खते प्रमाणबद्ध व शिफारशीप्रमाणे वापरावीत.मातीची भौतिक तपासणी करुन ठिबक सिंचन प्रणालीचा वापर करावा. ठिबक सिंचनाचे पाणी सरीच्या दोन्ही बाजूस पोहचत असल्याचे ओलावा तपासून खात्री करावी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
