China Allows Urea Exports: इराण विरुद्ध अमेरिका- इस्रायल युद्धामुळे जागतिक खत बाजारात खतांची टंचाई निर्माण झाली असताना चीनमधून एक दिलासा देणारी माहिती समोर आली आहे. याआधी निर्यात बंदी केलेल्या चीनने आता युरियाचा निर्यात कोटा जारी केला आहे. यामुळे जागतिक बाजारात खतांच्या पुरवठा वाढून किमती कमी होण्याची शक्यता व्यक्त केली जात आहे..रॉयटर्सच्या वृत्तानुसार, चीन हा जगातील सर्वात मोठ्या खत निर्यातदारांपैकी एक आहे. मध्य पूर्वेतील संघर्षामुळे होर्मुझ सामुद्रधुनीतून होणारी जलवाहतूक ठप्प झाली. यामुळे खते आणि त्यासाठी लागणाऱ्या कच्च्या मालाची पुरवठा विस्कळीत झाली. यामुळे खत टंचाई निर्माण झाली. या पार्श्वभूमीवर वाढत्या दरवाढीचा देशांतर्गत शेतकऱ्यांना फटका बसू नये म्हणून चीनने मार्च महिन्यात विविध प्रकारच्या खतांच्या निर्यातीवर बंदी घातली होती. पण आता त्यांनी नव्याने युरिया निर्यातीचा निर्णय घेत निर्यात कोटा जारी केला असल्याचे समजते. यावरुन त्यांच्याकडे देशांतर्गत पुरेसा साठा उपलब्ध असून ते काही साठा निर्यातीसाठी खुला करत संकेत मानले जात आहे. .Urea Import: खरिपासाठी १७ लाख टन युरिया खरेदीची तयारी, नॅशनल फर्टिलायझर्सने काढली निविदा .चीनमधील दोन युरिया उत्पादकांनी त्यांना निर्यात कोटा मिळाल्याच्या वृत्ताची पुष्टी केली आहे. पण याबाबत अधिक माहिती मिळालेली नाही. याच दरम्यान, भारताने नुकतीच १७ लाख टन युरिया आयातीसाठी निविदा काढली आहे. भारताने गेल्या वर्षी मध्यपूर्वेतून देशांतर्गत मागणीपैकी ४० टक्क्यांहून अधिक युरिया आणि डायअमोनियम फॉस्फेटची आयात केली होती..सध्याच्या परिस्थितीत चीनमधून होणाऱ्या पुरवठ्याला प्राधान्य देता येईल. कारण ही वाहतूक होर्मुझ सामुद्रधुनीतून होणार नाही आणि यामुळे वेळेवर पुरवठा होण्याची शक्यता अधिक आहे, असे भारतातील एका खत उत्पादन कंपनीच्या वरिष्ठ अधिकाऱ्याचे म्हणणे आहे..Fertiliser Shortage: आंतरराष्ट्रीय बाजारात खते मिळेनात, केंद्रीय कृषिमंत्र्यांकडून कबुली, शेतकऱ्यांना दिला महत्त्वाचा सल्ला.मार्च महिन्यात भारताकडून चीनला युरियाच्या काही साठ्याची विक्री करण्याबाबत विचारणा करण्यात आली होती. कारण इराण विरुद्ध अमेरिका-इस्रायल युद्धामुळे गॅस पुरवठा विस्कळीत होऊन देशांतर्गत खत उत्पादनासाठी अडचणीची परिस्थिती निर्माण झाली, असे वृत्त ब्लूमबर्ग न्यूजने दिले होते..चीनच्या युरिया निर्यातीच्या निर्णयामुळे आंतरराष्ट्रीय बाजारात खतांच्या किमती कमी होऊ शकतात. कारण सध्या चीनमधील युरियाचे दर आंतरराष्ट्रीय दर पातळीच्या तुलनेत कमी असल्याचे तज्ज्ञांचे म्हणणे आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
