Amravati News: भातकुली तालुक्यातील खारपाणपट्टा असलेल्या टाकरखेडासंभू येथे कृषी विभाग व कृषी व्यवस्थापन यंत्रणेच्या मार्गदर्शनात चिया बियाण्याच्या (सीड्स) लागवडीचा पहिलाच प्रयोग राबविण्यात आला. कमी पाणी लागणारे, पौष्टिक आणि बाजारात चांगली मागणी असलेले हे पीक हरभऱ्याला पर्यायी ठरणार असल्याचे तज्ज्ञ सांगतात..प्रात्यक्षिकासाठी चिया बियाणे शेतकऱ्यांना देण्यात आले असून, जिजामाता कृषिभूषण पुरस्कार प्राप्त पौर्णिमा सवाई यांनी स्वतः पेरणीची सुरुवात केली. शेतकऱ्यांना या पिकाकडे वळण्याचे आवाहन करताना त्यांनी सांगितले की, चिया पिकाला पेरणीपासून ते काढणीपर्यंत एकरी खर्च अत्यंत कमी आहे. फवारणीचा खर्च नाही आणि बाजारात कायम मागणी असल्याने शेतकऱ्यांसाठी हे पीक फायदेशीर ठरू शकते..Chia Seed Farming : करडई, चियासीडमधील ‘योगऋषी’.चिया पिकाची वैशिष्ट्येचिया सीड्स कमी पाण्यात भरघोस उत्पादन देणारे आहे. उबदार हवामानात उत्कृष्ट वाढ, फवारणीचा खर्च नाही, एकरी खर्च तुलनेने कमी, पौष्टिक मूल्यांनी समृद्ध, प्रथिने, फायबर, ओमेगा-थ्री, फॅटी ॲसिड, कॅल्शियम व अँटिऑक्सिडंट्स आहेत. .खारपाणपट्ट्यात पहिला प्रयोगभातकुली तालुक्यातील खारपाणपट्ट्यात या पिकाचा पहिलाच प्रयोग करण्यात येत असून गावातील अनेक शेतकरी या अभिनव उपक्रमात सहभागी झाले. बाजारातील मागणी, किमतीचा अभ्यास आणि पिकाची संपूर्ण माहिती घेऊन हा प्रयोग करण्यात आला. तो शेतकऱ्यांसाठी नवा पर्याय ठरू शकतो, असे तज्ज्ञांचे म्हणणे आहे..Chia Seeds Farming : चिया सीडच्या शाश्वत शेतीसाठी....बाजारातील मागणी, किमतीचा अभ्यास आणि पिकांची माहिती घेऊन हा प्रयोग करण्यात आला. योग्य नियोजन आणि तांत्रिक मार्गदर्शन मिळाल्यास चिया लागवड शेतकऱ्यांसाठी नवा पर्याय ठरू शकतो.-रूपाली ठाकरे, सहायक कृषी अधिकारी.जिल्ह्यात चिया लागवडीला नवी दिशा मिळत आहे. भविष्यात हे पीक शेतकऱ्यांसाठी महत्त्वाचे उत्पन्नाचे साधन ठरू शकते. त्यामुळे शेतकऱ्यांनी चिया सीड्सची पेरणी करून आर्थिक उन्नती साधावी.-पौर्णिमा सवाई.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
