Nanded News: भारत सरकारच्या प्रधानमंत्री धन धान्य कृषी योजनेच्या अधिकाऱ्यांनी दापशेड व सायाळ (ता. लोहा) येथील सेंद्रिय शेतीला भेट देवून पाहणी केली. दापशेड येथील विश्वनाथ गोविंदराव होळगे यांच्या आर्या नैसर्गिक शेती तसेच डेरला येथील संभाजी शिंदे यांच्या हरभरा पिकांची पाहणी केली. .या वेळी त्यांनी आर्या नैसर्गिक शेतीमध्ये कशा पद्धतीने शेती केली जाते याबद्दल सर्व माहिती जाणून घेतली. आर्या नैसर्गिक शेतीतील भाजीपाला, आलू, हळद, कांदा, ज्वारी सर्व पिकाची त्यांनी पाहणी केली. .Organic Farming: सेंद्रिय शेतीचे कुशलतेने आत्मसात केले तंत्र .आर्या नैसर्गिक शेतीतील उत्पादित अन्नधान्यांना मोठ्या प्रमाणावर मागणी असते. आजपर्यंतच्या जतन केलेल्या रेकॉर्ड त्यांनी प्रत्यक्ष पाहिले. यानंतर नोडल अधिकारी डॉ. ए. एल. वाघमारे यांनी परंपरागत कृषी विकास योजने अंतर्गत येणाऱ्या कृषी प्रधान ऑरगॅनिक प्रोड्यूसर कंपनी संलग्न शेतकरी संभाजी शिंदे (डेरलेकर) यांच्या ऑर्गानिक हरभरा प्लॉटची पाहणी केली. .Organic Farming: पीक उत्पादन स्थिरतेमध्ये जैविक घटक बायोमिक्स महत्त्वाचे.या भेटीदरम्यान सेंद्रिय शेती पद्धती, हरभरा पिकाची वाढ, उत्पादन क्षमता, जैविक निविष्ठांचा वापर तसेच शेतकऱ्यांनी राबविलेल्या नैसर्गिक शेती पद्धतींची सखोल माहिती घेण्यात आली. या वेळी शेतकरी ज्ञानोबा येवले, युवा शेतकरी रत्नाकर पाटील ढगे यांच्यासह गटातील सर्व शेतकरी उपस्थित होते. सेंद्रिय शेतीचे महत्त्व, परंपरागत कृषी विकास योजनेचे फायदे तसेच भविष्यातील शाश्वत शेतीच्या संधी याबाबत अधिकाऱ्यांनी मार्गदर्शन केले..शेतकऱ्यांनीही आपल्या अनुभवांचे सादरीकरण करत सेंद्रिय शेतीमुळे मिळणारे सकारात्मक परिणाम मांडले. यावेळी उपविभागीय कृषी अधिकारी अनिल शिरफुले, लोहा तालुका कृषी अधिकारी प्रशांत कासराळे, मंडळ कृषी अधिकारी सदानंद पोटपेलवार, मंडळ कृषी अधिकारी दशरथ शिंदे, उप कृषी अधिकारी श्री. हांडे, सहायक कृषी अधिकारी एस. आर. निरडे, कृषी अधिकारी बामनपल्ले, आत्माचे तालुका तंत्रज्ञान व्यवस्थापक सूरज पाटील, युवा शेतकरी पुरस्कार प्राप्त शेतकरी रत्नाकर ढगे, दापशेडचे माजी पोलिस पाटील गोविंदराव होळगे आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
