Jalna News: कार्बन क्रेडिट आणि सोलार फार्मिंगला नवीन संकल्पना शेतकऱ्यांसाठी हवामान बदलास नवीन पर्याय होऊ शकतात, असे मत मराठवाडा शेती साहाय्य मंडळाचे सचिव कृषिरत्न विजयअण्णा बोराडे यांनी व्यक्त केले. .खरपुडी येथील कृषी विज्ञान केंद्राच्या शास्त्रीय सल्लागार समितीची ३० वी बैठक शुक्रवारी (ता. २६) झाली. त्या प्रसंगी बैठकीचे अध्यक्ष म्हणून ते बोलत होते. या बैठकीस परभणी येथील वसंतराव नाईक मराठवाडा कृषी विद्यापीठाचे संचालक विस्तार शिक्षण डॉ. राकेश अहिरे, ऑनलाइन पद्धतीने भारतीय कृषी अनुसंधान परिषदेच्या पुणे येथील अटारी कार्यालयाचे शास्त्रज्ञ डॉ. तुषार अथारे, छत्रपती संभाजीनगरच्या राष्ट्रीय कृषी संशोधन प्रकल्पाचे सहयोगी संचालक संशोधन डॉ. एस. बी. पवार,.Carbon Credit : ‘कार्बन क्रेडिट’च्य माध्यमातून उत्पन्नाचा नवा स्रोत मिळवावा.बदनापूर येथील कृषी संशोधन केंद्राचे प्रभारी अधिकारी डॉ. डी. के. पाटील, मोसंबी संशोधन केंद्राचे प्रभारी अधिकारी डॉ. संजय पाटील, कृषी उपसंचालक संजय कायंदे, जिल्हा अग्रणी बँकेचे व्यवस्थापक मंगेश केदार, नाबार्डचे सहायक महाव्यवस्थापक तेजल क्षीरसागर, जिल्हा रेशीम अधिकारी अजय मोहिते, जिल्हा परिषदेचे कृषी विकास अधिकारी पी. बी. बनसावडे, जिल्हा पशुसंवर्धन उपयुक्त डॉ. प्रशांत चौधरी आदींसह कृषी विज्ञान केंद्रातील सर्व शास्त्रज्ञांची उपस्थिती होती..Carbon Credit : शेतकऱ्यांसाठी शाश्वत चलन.श्री. बोराडे म्हणाले, की शेतकऱ्यांनी आपल्या बांधावर किंवा शेतात लावलेल्या झाडांपासून मिळणाऱ्या कार्बन क्रेडिटचे पैसे सरळ शेतकऱ्यांच्या खात्यावर जमा व्हावेत. त्याच धर्तीवर शासनाने शेतकऱ्यांच्या शेतात सोलार पॅनेल बसवावेत. कृषी विद्यापीठाचे संचालक विस्तार शिक्षण डॉ अहिरे म्हणाले, की कृषी विज्ञान केंद्रांनी शेतकऱ्यांच्या शेतावर आपले कार्यक्रम राबविताना फक्त विद्यापीठाद्वारे किंवा संशोधन संस्थांद्वारे शिफारस केलेल्या तंत्रज्ञानाचाच वापर करावा. बैठकीचे सूत्रसंचालन पीक संरक्षण तज्ज्ञ अजय मिटकरी यांनी तर आभार प्रदर्शन मृद्शास्त्रज्ञ राहुल चौधरी यांनी केले. .बैठकीतील शिफारशी...कृषी विज्ञान केंद्राने रेशीम कोषांपासून हस्तकला निर्मित वस्तूंवर प्रशिक्षणाचे आयोजन करावे.नॅनो युरिया आणि नॅनो डीएपी खतांच्या वापराबाबत प्रात्यक्षिके घ्यावीत. शेळ्यांमधील करडांची मरतूक कमी होण्याच्या दृष्टीने शेतकऱ्यांना मार्गदर्शन व्हावे. बाबायोफ्लॉक्स तंत्रज्ञानाचा वापर करून मत्स्यपालन व्यवसायास चालना द्यावी. मधमाश्या पेट्यांचे स्थलांतर थांबावे यासाठी वर्षभर फुले येणाऱ्या वनस्पतींवर प्रात्यक्षिक घ्यावे. .जिल्ह्यात हळद पिकांच्या तंत्रज्ञानावर विशेष लक्ष केंद्रित करावे. पौष्टिक तृणधान्याच्या प्रक्रियेसाठी लागणाऱ्या मशिनरीवर मार्गदर्शन व्हावे. हवामान बदलाच्या पार्श्वभूमीवर आंतरपीक पद्धती, एकात्मिक पीक पद्धती, पशुसंवर्धन, रेशीम शेती अशा विषयांना चालना द्यावी. सीताफळाचे क्षेत्र वाढल्यामुळे त्याच्या मूल्यवर्धनावर विशेष लक्ष केंद्रित करावे. कृषी विज्ञान केंद्राच्या चांगल्या व अनुकरणीय कामांना राष्ट्रीय पातळीवर प्रसिद्धी मिळावी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
