Buldana News : बुलडाणा जिल्ह्यातील ७७ ग्रामपंचायतींमध्ये ९६ जागांसाठी पोटनिवडणुकीची (by-election) घोषणा करण्यात आली आहे. यासाठी १८ मे रोजी मतदान होणार आहे.
८ सरपंचपदासाठी थेट जनतेत मतदान होणार आहे. निधन, राजीनामा किंवा अन्य कारणांमुळे रिक्त झालेल्या सदस्य आणि सरपंचपदासाठी ही निवडणूक घेतली जाणार आहे.
राज्यभरातील सुमारे २ हजार ६२० ग्रामपंचायतींमधील ३ हजार ६६६ सदस्य आणि १२६ थेट सरपंचांच्या रिक्तपदांच्या पोटनिवडणुकीसाठी १८ मे रोजी मतदान होणार आहे, अशी माहिती राज्य निवडणूक आयोगाने जाहीर केली आहे.
यामध्ये बुलडाणा जिल्ह्यातील ७७ ग्रामपंचायतीमधील ९६ सदस्य व ८ सरपंचपदांचा समावेश आहे.
या पोटनिवडणुकीसाठी उमेदवारी अर्ज २५ एप्रिल ते २ मे २०२३ या कालावधीत दाखल करता येतील. दाखल झालेल्या अर्जाची छाननी ३ मे रोजी होईल.
उमेदवारी अर्ज ८ मे रोजी दुपारी ३ वाजेपर्यंत मागे घेता येतील. त्याचदिवशी निवडणूक चिन्हांचे वाटप तसेच अंतिम निवडणूक लढविणाऱ्या उमेदवारांची यादी प्रसिद्ध करण्यात येईल.
१८ मे रोजी सकाळी साडेसात ते सायंकाळी साडेपाच या वेळेत मतदान होईल. निवडणूक होत असलेल्या ग्रामपंचायतींमध्ये निवडणूक कार्यक्रम जाहीर केल्यापासून निवडणुकीचा निकाल जाहीर होईपर्यंत आचारसंहिता लागू करण्यात आली आहे.
या ठिकाणी मतदारांवर विपरीत प्रभाव टाकणारी कुठलीही कृती, घोषणा, मंत्री, खासदार, आमदार व संबंधित स्थानिक स्वराज्य संस्था पदाधिकाऱ्यांनी करू नये व आचारसंहितेचा भंग करू नये, असे आदेश निवडणूक आयोगाने दिले आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
