Satara News: सोयाबीन पिकाची खरेदी आधारभूत किमतीने करण्याचे आदेश द्यावेत, अशी मागणी निवेदनाद्वारे कऱ्हाड तालुक्यातील शेतकऱ्यांनी उपनिबंधक अपर्णा यादव यांच्याकडे केली आहे. या वेळी शिवाजी पाटील, सत्यजित पाटील, सुशांत इनामदार, विवेक कुराडे, पंढरीनाथ माने, विक्रम पाटील, सर्जेराव पाटील, अक्षय संकपाळ आदी शेतकरी उपस्थित आहे..निवेदनात म्हटले, की यंदा राज्यभरात अतिवृष्टीमुळे ओला दुष्काळ सदृश परिस्थिती निर्माण झाली आहे. त्यामुळे खरीप पिकांना मोठा फटका बसला आहे. यातून वाचलेली पिके आता काढणीच्या अवस्थेत आहेत..Soybean Rate : देशात सोयाबीनचे दर वाढण्याचे संकेत.कऱ्हाड तालुक्यात मोठ्या प्रमाणावर सोयाबीन पीक घेतले जाते. यावर्षी सतत पाऊस असल्याने सोयाबीन पिकाची वाढ चांगली झाली असून, सोयाबीनची आवक मोठ्या प्रमाणावर सुरू झाली आहे..Soybean Crop Damage : सात दिवसांपासून सोयाबीन पाण्याखाली.मात्र, नेहमीप्रमाणेच यावर्षीही सोयाबीन कमी दराने खरेदी केले जात असल्याचे चित्र आहे. कऱ्हाड शेती उत्पन्न बाजार समितीने दि महाराष्ट्र स्टेट को-ऑपरेटिव्ह मार्केटिंग फेडरेशन सहकार व पणन विभाग अंतर्गत शेतीमालाच्या किमान आधारभूत किमती निश्चित केल्या आहेत. त्यात सोयाबीनची आधारभूत किंमत ५३३८ रुपये प्रतिक्विंटल निश्चित करण्यात आली आहे..मात्र बाजार समिती व्यापारी धोरण राबवत असल्याचे चित्र पाहायला मिळत आहे. काही खासगी व्यापाऱ्यांनी आधारभूत किंमत न देता दहा फॅटचे सोयाबीन ४२०० रुपये प्रतिक्विंटल दर देऊन शेतकऱ्यांची लूट चालू केली आहे. सध्या पावसाळी वातावरण असल्यामुळे हे भाव आणखी कमी होण्याची शक्यता आहे. याचा अर्थ किमान १००० ते १५०० रुपये प्रतिक्विंटल शेतकऱ्यांचा तोटा होणार आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
