Kharif Farming: बुलडाणा जिल्ह्यात खरीप हंगामातील पेरणीच्या कामांना वेग आला असून आतापर्यंत एकूण ७ लाख ३७ हजार हेक्टर क्षेत्रापैकी ५ लाख ९४ हजार हेक्टर क्षेत्रावर पेरणी पूर्ण झाली आहे. जिल्ह्यात सरासरी ८० टक्के क्षेत्र लागवडीखाली आले असून काही तालुक्यांमध्ये प्रमुख पिकांच्या लागवड क्षेत्रात मोठी वाढ झाल्याचे दिसून येत आहे. यंदा विशेषतः मक्याच्या लागवडीकडे शेतकऱ्यांचा कल वाढला असून जिल्ह्यात सुमारे २५ हजार हेक्टर क्षेत्रावर मक्याची पेरणी झाली आहे..मोताळा तालुक्यात मक्याच्या लागवडीत वाढ झाली आहे. या तालुक्याचे मक्याचे सरासरी क्षेत्र ४ हजार ५४५ हेक्टर असताना यंदा तब्बल ९ हजार ४५६ हेक्टरवर मक्याची पेरणी झाली आहे. म्हणजेच सरासरी क्षेत्राच्या दुप्पटपेक्षा अधिक क्षेत्रावर शेतकऱ्यांनी मक्याची लागवड केली आहे. मलकापूर तालुक्यातही मक्याचे क्षेत्र सरासरीपेक्षा अधिक राहिले असून ७ हजार १८८ हेक्टर सरासरी क्षेत्राच्या तुलनेत ७ हजार ३३७ हेक्टरवर पेरणी पूर्ण झाली आहे. .Kharif Sowing Update: परभणी-हिंगोली जिल्ह्यांत खरीप पेरणी ६ लाख हेक्टरवर.बुलडाणा तालुक्यात सरासरी ३ हजार १२४ हेक्टर क्षेत्र असताना ४ हजार ९९१ हेक्टरवर मक्याची लागवड झाली आहे. मात्र, नांदुरा तालुक्यात मक्याची लागवड घटली असून सरासरी ३ हजार ५६६ हेक्टरच्या तुलनेत केवळ १ हजार २०२ हेक्टरवर पेरणी झाली आहे..Kharif Sowing: लातुरात खरिपाच्या ४० टक्केच पेरण्या; मांजरा धरणात १७.५१ टक्के उपयुक्त पाणीसाठा.दरम्यान, जिल्ह्यातील प्रमुख खरीप पीक असलेल्या सोयाबीनची पेरणी अंतिम टप्प्यात पोहोचली आहे. सोयाबीनचे जिल्ह्यातील सरासरी क्षेत्र ३ लाख ९७ हजार हेक्टर असून आतापर्यंत ३ लाख ६१ हजार ९०५ हेक्टरवर पेरणी झाली आहे. चिखली तालुक्यात सर्वाधिक ५९ हजार ५७० हेक्टरवर सोयाबीनची लागवड झाली असून त्यापाठोपाठ मेहकर ४६ हजार १४० हेक्टर, खामगाव ३९ हजार ५८५ हेक्टर आणि बुलडाणा तालुक्यात ३६ हजार २९९ हेक्टर क्षेत्रावर पेरणी झाली आहे..कपाशीची लागवडही सुरू असून जिल्ह्यात कपाशीचे सरासरी क्षेत्र १ लाख ९७ हजार ६३९ हेक्टर आहे. त्यापैकी आतापर्यंत १ लाख १९ हजार ८७ हेक्टर क्षेत्रावर कपाशीची लागवड पूर्ण झाली आहे. उर्वरित क्षेत्रावर पेरणीचे काम सुरू असून हवामानाची साथ मिळाल्यास खरीप हंगामातील उर्वरित पेरण्या लवकरच पूर्ण होतील, अशी अपेक्षा कृषी विभागाने व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
