Parbhani News : परभणी जिल्ह्यातील बाजारापेठेत युरिया खताचा कमी साठा असल्यामुळे शेतकऱ्यांची गरज व मागणी लक्षात घेऊन राज्य सहकारी पणन महासंघ यांच्याकडील संरक्षित साठ्यातून (बफर स्टॉक) मधून १ हजार ३०२ टन युरिया शेतकऱ्यांना विक्रीसाठी खुला करण्याबाबत जिल्हा अधीक्षक कृषी अधिकारी दौलत चव्हाण यांनी जिल्हा पणन अधिकाऱ्यांना कळविले आहे.सोमवारपासून (ता. २१) शेतकऱ्यांना युरिया उपलब्ध होऊ शकेल, अशी माहिती कृषी विभागाच्या सूत्रांनी दिली.
परभणी जिल्ह्याला विविध ग्रेडची १ लाख ४५ हजार ११४ टन रासायनिक खते मंजूर केली आहेत. मागणी पेक्षा १४ हजार ५८६ टन कमी परंतु खरीप २०२४ च्या तुलनेत २१ हजार ८१४ टन अधिक खते मंजूर आहेत. जुलैअखेर ९५ हजार ११ टन खतांचे आवंटन मंजूर आहे. परंतु प्रत्यक्षात ६८ हजार ९४५ टन खतांचा पुरवठा करण्यात आला.
जून, जुलै, ऑगस्ट या कालावधीत शेतकऱ्यांकडून खताची खरेदी व वापर जास्त असतो. या कालावधीत रेल्वे रेक वेळेवर उपलब्ध न होणे, अतिवृष्टीमुळे वाहतुकीला अडथळा निर्माण होणे, आवंटनाप्रमाणे खते उपलब्ध न होणे आदी कारणांमुळे खतांच्या मागणीनुसार पुरवठा करण्यावर परिणाम होतो. त्यामुळे युरिया व डीएपी खतांचा संरक्षित साठा (बफर स्टॉक) करण्यात येतो.
यंदा २०२५-२६ मध्ये राज्य सहकारी विपणन महासंघ व कृषी उद्योग महामंडळ यांच्या युरिया ३ हजार टन व डीएपी १ हजार ३०० टन मिळून एकूण ४ हजार ३०० टन खते संरक्षित करण्याबाबत कळविण्यात आले होते. त्यानुसार राज्य सहकारी पणन महासंघ यांच्यामार्फत २ हजार २०२ टन युरिया आणि ३०९ टन डीएपी तर कृषी उद्योग महामंडळामार्फत ३०० टन युरिया आणि १०९ टन डीएपी खताचा गोदामात संरक्षित साठा करण्यात आला.
२ हजार ५०० टन युरिया व ४१८ टन डीएपी खताचा संरक्षित साठा करण्यात आला. पेरणीवेळी तुटवडा निर्माण झाल्यामुळे १६ जून रोजी बफर स्टॉकमधून राज्य पणन महासंघा मार्फत ९५० टन युरिया आणि ३०९ टन डीएपी तर कृषी विकास महामंडळामार्फत ३०० टन युरिया व १०९ टन डीएपी असा एकूण १ हजार ६६८ खत शेतकऱ्यांना विक्रीसाठी खुला करण्यात आला होता.
त्यानंतर पणन महासंघ यांच्याकडील शिल्लक साठ्यातून १ हजार ३०२ टन युरिया खत विक्रीसाठी खुला करण्याची सूचना करण्यात आली.खुला करण्यात आलेला खत वितरकास फक्त शेतकऱ्यांना विक्री करण्यात यावा अशा सूचना द्याव्यात.
संरक्षित खते इतर वितरक व विक्रेते यांना वितरित होणार नाहीत याची काळजी घ्यावी. तालुकानिहाय वितरित केलेल्या खताची विक्री सुरू करण्यापूर्वी तालुक्याचे कृषी अधिकारी (गुण नियंत्रण) यांच्याकडून युरियाचा साठा तपासूनच वितरित करण्याच्या सूचना जिल्हा पणन अधिकारी यांना पत्राद्वारे केली आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.