Impact of One District One Registration Scheme: राज्य सरकारच्या ‘एक जिल्हा, एक नोंदणी’ या योजनेची अंमलबजावणी १ मे २०२५ पासून सुरू झाल्यानंतर भोर तालुक्यातील खरेदीखतांच्या नोंदणीवर लक्षणीय परिणाम झाला आहे. या योजनेमुळे भोर तालुक्यातील जमिनींची नोंदणी जिल्ह्यातील इतर तालुक्यांमध्येही करता येऊ लागल्याने या वर्षी भोरमधील दस्त नोंदणीत तब्बल ३० टक्क्यांनी घट झाली आहे..पुणे आणि पिंपरी-चिंचवड येथील अनेक खरेदीदार भोर तालुक्यात जमीन खरेदी करत असले, तरी नोंदणीसाठी ते हवेली तालुक्याला प्राधान्य देत आहेत. यामुळे भोरमधील मोठ्या प्रमाणातील खरेदीखते हवेली तालुक्यात नोंदवली जात आहेत. याशिवाय इतर तालुक्यांमध्येही काही प्रमाणात नोंदणी होत असल्याचे दिसून येते..Land Measurement: मापदंड मोजणीचे.आर्थिक वर्ष १ एप्रिल २०२५ ते मार्च २०२६ या कालावधीत भोर दुय्यम निबंधक कार्यालयाला शासनाकडून ७० कोटी रुपयांचे उत्पन्नाचे उद्दिष्ट देण्यात आले होते. मात्र प्रत्यक्षात केवळ ५० कोटी ११ लाख ५७ हजार ७६९ रुपये इतकीच महसुलाची वसुली झाली. वर्षभरात एकूण ७ हजार ७४६ दस्तांची नोंदणी झाली असून, त्यापैकी २ हजार ८८७ नोंदण्या ‘लिव्ह अँड लायसन्स’ (भाडे करार) स्वरूपातील आहेत..भोर तालुक्यातील शेतकऱ्यांकडून जमीन खरेदी करणारे खरेदीदार व्यवहारासाठी त्यांना पुण्यात घेऊन जातात. खरेदीदार, वकील आणि सल्लागार यांचा वेळ वाचत असल्याने हवेली तालुक्यात नोंदणी करण्याचा कल वाढला आहे..Land Registration: शेतजमिनीच्या वाटणीवरून वाद कमी होणार; सरकारचा शेतकऱ्यांसाठी दिलासादायक निर्णय.गेल्या तीन वर्षांचा आढावा घेतल्यास परिस्थिती स्पष्ट होते. २०२४ मध्ये ७,३६२ दस्तांची नोंदणी होऊन एकूण ४७ कोटी ६३ लाख ४० हजार ६०३ रुपयांचा महसूल जमा झाला होता, तर उद्दिष्ट ४५ कोटी रुपये होते. २०२५ मध्ये ७,४३५ दस्त नोंदवले गेले आणि ४१ कोटी ३६ लाख ४३ हजार ३५३ रुपयांचा महसूल मिळाला,.मात्र उद्दिष्ट ५५ कोटी होते. २०२६ मध्ये दस्तसंख्या वाढून ७,७४६ झाली असली तरी महसूल ५० कोटी ११ लाख ५७ हजार ७९६ रुपयांवरच थांबला, जे ७० कोटींच्या उद्दिष्टापेक्षा कमी आहे. नोंदणीची प्रक्रिया इतर तालुक्यांमध्ये मोठ्या प्रमाणावर होत असल्यामुळे भोर तालुक्यातील महसुलात घट झाली असून, प्रशासनासमोर उद्दिष्टपूर्तीचे आव्हान निर्माण झाले आहे..खरेदीखत नोंदणीवर परिणाममहाराष्ट्रात १ एप्रिल २०२५ पासून एक जिल्हा एक नोंदणी या योजनेला सुरुवात झाली आहे. जिल्ह्यात कुठल्याही तालुक्यातील क्षेत्राचे खरेदी खत तसेच इतर कोणतीही नोंदणी जिल्ह्यात इतर तालुक्यात होत आहे. यामुळे याचा परिणाम या वर्षी भोर तालुक्यातील खरेदीखत नोंदणीवर झाला आहे. शासनाने दिलेल्या उद्दिष्ट पैकी तीस टक्क्यांनी घट झालेली दिसून येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
