Agriculture Crisis: गेल्या काही दिवसांपासून वाढत्या उष्णतेचा फटका पानमळ्यांना बसला आहे. परिणामी, पाने करपू लागली आहे. तसेच नागवेलींना अपेक्षित फुटवाही मिळत नाही. सद्यःस्थितीला तीन हजार पानांच्या करंडीला १५० ते ७०० रुपये असा दर मिळत आहे. चेन्नईतील विजयवाडा, चिन्नूर, कन्नूर या भागांतील पानांची आवक पेठेत असल्याने हंगामाच्या प्रारंभीच पानांचे दरही कमी आहेत. त्यामुळे पान उत्पादक शेतकरी हवालदिल झाला आहे..मिरज पूर्वभागात गेल्या अनेक वर्षांपासून पानमळे जपले जात आहे. येथील पानमळ्यातील पानांना बाजारपेठेत चांगली मागणी आहे. पानमळ्याचे क्षेत्र एकरवरून गुंठ्यांवर आले असले, तरी मागणी कायम आहे. परंतु पानांच्या पेठांमध्ये सातत्याने पानांची होणारी आवक आणि मागणी कमी यामुळे दरात स्थिरता नाही, असे पान उत्पादक शेतकरी सांगत आहेत..Betel Leaf Rate: खाऊच्या पानांचे दर २०० ते ३०० रुपयांवर.उष्णतेत वाढ झाल्यामुळे बहुतांश मळ्यात पानांचा आकार वाढला नाही. तर काही ठिकाणी पाने करपून गेली असल्याचे चित्र आहे. तर मळ्यात अपेक्षित फुटवाही मिळालेला नाही. पानांचा विक्रीचा हंगाम सुरू झाला आहे. पहिली पानांची काढणी सुरू आहे. सध्या तीन हजार पानांना १५० ते ७०० रुपयांपर्यंत दर मिळत आहे. जत, उमदी, सांगोला आणि पंढरपूर येथे मागणी चांगली आहे. तर सर्वाधिक माल कोकणातील चिपळूण, दापोली, रत्नागिरी, खेड या भागांत मोठ्या प्रमाणावर पाठवला जातो..Betel Leaf Benefits: हृदय दौर्बल्यावर विड्याची पाने गुणकारी.मे महिन्यात पानांच्या पेठेत चेन्नईतील विजयवाडा, चिन्नूर, कन्नूर या भागातील पाने विक्रीसाठी येत आहेत. स्थानिक पानांना अपेक्षित दर मिळत नाहीत. या भागातील बाजारात मेच्या दुसऱ्या आठवड्यापासून पानांची आवक मंदावेल. त्यानंतरच इथल्या पानांची मागणी वाढून दरही वाढतील, असा अंदाज पान उत्पादक शेतकऱ्यांनी केला आहे. दुसरी काढणी येत्या महिन्याभरात सुरू होईल. त्यानंतर महिनाभरानंतर मुंबई, कल्याण आणि पनवेल बाजारपेठेतही माल पाठवण्यास सुरुवात होणार आहे..वाढत्या उष्णतेमुळे पानमळ्यातील स्थिती बिकट बनली आहे. परंतु मी वेलीला सावली केली. तसेच वेळेत पाणी दिले आहे. त्यामुळे पानांचा दर्जा चांगला आहे. अजूनही पानांना अपेक्षित दर नाही.भाऊसो नागरगोजे, नरवाड, पान उत्पादक.पानांचा हंगाम सुरू झाला असून दर दबावात आहेत. चेन्नईतील पान उत्पादन घेणाऱ्या भागातील पानांची आवक मेच्या मध्यापासून कमी होईल, त्यानंतरच बाजारात पानांच्या दरात वाढ होईल, अशी शक्यता आहे. चंद्रकांत खाडे, पान उत्पादक शेतकरी, बेडग, ता. मिरजे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
