Agri Business: भारताच्या बासमती तांदळाचा सर्वांत मोठा ग्राहक असलेल्या इराणला निर्यात करताना शिपिंगचा (जहाज वाहतूक) वाढलेला खर्च, आर्थिक निर्बंध, चलनातील घसरण आणि पेमेंटची जोखीम वाढली आहे. यातून तोडगा काढण्यासाठी इराणला बासमती तांदूळ देऊन त्या बदल्यात खनिज तेल घेऊन वस्तुविनिमय व्यापार करावा, अशी मागणी पंजाबमधील बासमती तांदूळ निर्यातदारांनी केली आहे..भारताच्या बासमती तांदळाचा मोठा खरेदीदार असलेला इराण सध्या युद्ध, आर्थिक निर्बंध, चलनातील अस्थिरता आणि डाॅलरच्या कमतरतेमुळे अडचणीत आला आहे. इराणला २०२५ मध्ये भारतातून जवळपास ७ लाख टन बासमती तांदळाची निर्यात झाली होती. पण सध्या इराण आणि इस्राईल-अमेरिकेतील युद्धामुळे निर्यात अडचणीत आली आहे. कंटेनरसह लाॅजिस्टिक्सचा (दळणवळण) खर्च वाढला आहे..Pulses Import Policy: आत्मनिर्भरतेला वाटाण्याच्या अक्षता.चलनसमस्येवर उताराइराणवर आर्थिक ताण वाढला असून, चलनाची समस्या निर्माण होत आहे. यामुळे निर्यातदारांना मालाची देयके उशिरा मिळत आहेत. युद्ध सुरू झाल्यानंतर वाढलेल्या अडचणी एक महिन्यानंतरही कायम आहेत. उद्योगाच्या अंदाजानुसार, सुमारे ४ लाख टन बासमती तांदूळ सध्या बंदरांवर आणि सागरीमार्गात अडकलेला आहे..शिपिंग खर्च दुप्पटयुद्धामुळे शिपिंग कंपन्यांनी मालवाहतुकीचे दर आणि विमा प्रीमियमचा हप्ता वाढवला आहे. काही प्रकरणांत शिपिंगचा खर्च जवळपास दुप्पट झाला आहे. या सर्व अडचणींमुळे इराणमधील खरेदीदारांनी नवीन खरेदी कमी केली आहे किंवा पूर्णतः थांबवली आहे. तसेच मालाच्या डिलिव्हरीत देखील विलंब आणि अनिश्चितता निर्माण झाली आहे. या परिस्थितीचा परिणाम देशांतर्गत बाजारावरही होत आहे..तांदूळ दरात घसरणउद्योगांच्या मते, बासमती तांदळाच्या किमती कमी होत आहेत. यामुळे पंजाब आणि हरियानातील बासमती उत्पादक शेतकरी आणि मिल्स अडचणी येऊ शकतात. ही परिस्थिती दीर्घकाळ राहिल्यास निर्यातीचे करार रद्द होण्याची आणि आर्थिक ताण वाढण्याची शक्यता असल्याचे उद्योगांचे म्हणणे आहे..Pulses Import Policy: कडधान्य आयातीवरून ‘सर्वोच्च’ कानपिचक्या.पर्यायावर विचार सुरूइराणसारख्या महत्त्वाच्या ग्राहक देशासोबतचा व्यापार थांबणे व्यवहार्य ठरणार नाही. या अडचणीतून मार्ग काढण्यासाठी वस्तुविनिमय करावा, म्हणजेच बासमती तांदळाच्या बदल्यात कच्चे तेल घ्यावे, असा प्रस्ताव पंजाबमधील बासमती तांदूळ निर्यातदारांनी सरकारपुढे ठेवला आहे. इराणला बासमती तांदूळ देऊन त्याच्या बदल्यात कच्चे तेल घेऊन चलनातील व्यवहार टाळता येईल आणि सध्याच्या आर्थिक अडचणीतून मार्ग काढता येईल, असे निर्यातदारांचे म्हणणे आहे. आर्थिक निर्बंध, चलन घसरण आणि पेमेंट जोखीम कमी करण्यासाठी या पर्यायावर विचार होत असल्याचे सूत्रांनी सांगितले..वस्तुविनिमयाची परंपराभारत आणि इराणदरम्यान पूर्वापार घनिष्ट व्यापारी संबंध आहेत. दोन्हीही देशांना वस्तुविनिमय व्यापार नवा नाही. मात्र सध्याच्या परिस्थितीत या व्यापाराची पुनर्रचना करण्यासाठी नियामक स्पष्टता आणि सरकारची पाठबळ आवश्यक आहे. सरकारने यात पुढाकार घेऊन ही पद्धती राबविण्यास धोरणात्मक पातळीवर परवानगी दिली तर इराबाबतच्या व्यापार नियम आणि निर्बंधांचे पालन होईल, असे निर्यातदारांनी म्हटले आहे. ७ लाख टन बासमती तांदळाची निर्यात (वर्ष : २०२५)४ लाख टन बासमती सध्या बंदरे, जलमार्गांत अडकलेला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
