Crop Damage : कोंडिवरेतील वणव्यात केळी, ऊस पीक भस्मसात

Crop loss in fire : संगमेश्वर तालुक्यातील कोंडिवरे येथे लागलेल्या वणव्यात केळी, साबुदाणा, ऊस आदी चार एकरांतील लागवड भस्मसात होऊन सुमारे १५ लाख रुपयांचे नुकसान झाले.
Crop Damage
Crop DamageAgrowon

Sangameshwar News : संगमेश्वर तालुक्यातील कोंडिवरे येथे लागलेल्या वणव्यात केळी, साबुदाणा, ऊस आदी चार एकरांतील लागवड भस्मसात होऊन सुमारे १५ लाख रुपयांचे नुकसान झाले. उन्हाळा सुरू होताच माखजन कोंडिवरे भागात वणवे लागण्यास सुरुवात झाल्यामुळे शेतकरी हवालदिल झाले आहेत.

कोंडिवरे येथे गडनदीशेजारी केरळ राज्यातील निलंबत रवी या शेतकऱ्याने सुमारे चार एकर जमीन क्षेत्रात केळी, साबुदाणा, ऊस, बोड, फणस, अननस आदींची शेती केली आहे. गेल्या पाच-सहा वर्षांपासून कोंडिवरे येथे ते विविध पीक घेत आहेत.

Crop Damage
Crop Damage Compensation : नुकसान भरपाईअभावी बळीराजा आर्थिक संकटात

मंगळवारी (ता. २७) सकाळी कोंडिवरे गडनदी भागात अचानक आग लागली. हलका वारा असल्यामुळे या आगीने क्षणात रौद्ररूप धारण केले. उन्हामुळे वाळलेले गवत आगीबरोबर वेगाने पेटत गेले. त्यामुळे आगीची तीव्रता वाढली.

Crop Damage
Crop Damage : मळगाव परिसरातील नाचणीची पाने करपली

हा वणवा वेगाने पसरत गेला. त्यामध्ये साबुदाणा, ऊस, केळी आदी लागवड क्षणात भस्मसात झाली. त्यामुळे सुमारे १५ लाख रुपयांचे नुकसान झाल्याचा प्राथमिक अंदाज आहे.

आरवली-माखजन परिसरात शेतकऱ्यांनी आंबा, काजू आदी फळझाडांची लागवड मोठ्या प्रमाणात केली आहे. सध्या या भागात वणवे मोठ्या प्रमाणात वाढले असल्याने शेतकऱ्यांमध्ये चिंतेचे वातावरण निर्माण झाले आहे. या आगीचे कारण अद्याप समजू शकलेले नाही.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com