Farming Crisis: खानदेशात उष्णता वाढत आहे. कमाल व किमान तापमान सतत वाढत असून, उष्णतेचे चटके केळी व अन्य पिकांना बसत आहेत. अशात केळीचे कंद, रोपे वाढविणे, जगविणे अशक्य होत असून, अनेकांनी केळी लागवड टाळली आहे. .केळीचे कंदही खानदेशात सध्या फारसे उपलब्ध नाहीत. काही भागात कंद आहेत. पण शेतकरी कंद लागवड टाळत आहेत. कारण उष्णतेत कंद जगविणे शक्य नाही. अनेक शेतकऱ्यांनी मागील पंधरवड्यात केळी रोपांची लागवड केली. केळी रोपांभोवती धैंचा, पांढरे क्रॉप कव्हर लावले, पण तरीदेखील रोपांना उष्णतेचा फटका बसत आहे. असात केळी पिकात तूट येईल, अशी स्थिती आहे. केळी लागवड मार्च ते एप्रिलअखेर बंद राहील, असे दिसत आहे. अनेक शेतकऱ्यांनी मे महिन्यात केळी लागवडीचे नियोजन केले आहे. मे महिन्याच्या अखेरीस व जूनमध्ये लागवड होईल, अशी स्थिती आहे..Banana Cultivation: केळी लागवड ५० हजार हेक्टरवर शक्य.सध्या आगाप केळी बागांची लागवड शेतकरी करीत होते. त्यासाठी रोपांची आगाऊ नोंदणी शेतकऱ्यांनी केली होती. रोपांचा पुरवठा झाल्याने शेतकऱ्यांनी केळी लागवड केली, पण आता उष्णता वाढल्याने ही लागवड यशस्वी करताना नाकीनऊ येत आहेत..Banana Cultivation: कोपरगाव तालुक्यात केळी उत्पादनाकडे शेतकऱ्यांचा कल.काही शेतकऱ्यांनी मागील आठवड्यात केळी लागवड केली होती. परंतु उष्णता ४० अंश सेल्सिअसवर पोचली. यामुळे काळ्या कसदार जमिनीत कंद उगवणीवर परिणाम जाणवत आहे. यामुळे शेतकरी चिंतेत आहेत. अशा स्थितीत पीक वाचविण्याची धडपड शेतकरी करीत आहेत..केळी कंद उपलब्धखानदेशात केळी कंदांचा तुटवडा मागील पंधरवड्यात होता. परंतु केळी कंद या आठवड्यात सर्वत्र उपलब्ध होवू लागले आहेत. केळी कंद आहेत, पण लागवड शेतकरी टाळत आहेत. यामुळे केळी कंदांची मागणी सध्या घटली आहे. केळी कंदांचे दर एक रुपया प्रतिकंद, असे आहेत. वाहतूक, मजुरी धरून केळी कंद तीन ते साडेतीन रुपयात पडत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
