Thane News: बांबू हे बहुउद्देशीय पीक आहे. कमीत कमी खर्चात येणारे ते पीक असून बांबू लागवड केवळ कोकणाला नाही तर संपूर्ण राज्याला आर्थिकदृष्ट्या आधार देऊ शकते. म्हणूनच पितांबरी ॲग्री केअरच्या माध्यमातून बांबूची एक लाख रोपे तयार करण्याचे मिशन आम्ही हाती घेतले आहे, असे प्रतिपादन पितांबरी प्रॉडक्ट्स प्रा. लि. चे व्यवस्थापकीय संचालक डॉ. रवींद्र प्रभुदेसाई यांनी केले..डॉ. प्रभुदेसाई यांच्या ६३ व्या वाढदिवस सोहळ्याचे एम.एच. हायस्कूलमधील तृप्ती बँक्वेट येथे बुधवारी (ता. ४) आयोजन केले होते. या सोहळ्याच्या अध्यक्षस्थानी ज्येष्ठ खगोल अभ्यासक दा. कृ. सोमण होते. या वेळी व्यासपीठावर प्रमुख अतिथी म्हणून आमदार संजय केळकर, उद्योजिका राजश्री यादवराव, ‘पितांबरी’चे उपाध्यक्ष परीक्षित प्रभुदेसाई उपस्थित होते..Bamboo Farming: बांबू : इथेनॉलसाठी एक चांगला पर्याय .डॉ. प्रभुदेसाई लिखित पितांबरीच्या विविध कृषी प्रयोगांची माहिती देणारे ‘अणुस्कुरा ते साखळोली आपलं कोकण स्वप्नपूर्तीचा अद्भुत प्रवास’, दत्ता जोशी लिखित ‘एकश: सम्पत’, विवेक प्रकाशित ‘आधुनिक शेतीचे मॉडेल’ या पुस्तकांचे प्रकाशन करण्यात आले..Bamboo Farming : वाशीम जिल्ह्यात मनरेगातून बांबू लागवडीला चालना द्यावी .आमदार केळकर म्हणाले, की आज मराठी भाषा आणि माणसे याबद्दल खूप बोलले जाते. पण उद्योग क्षेत्रात मराठी माणूस किती पुढे जातो, याचे उत्तम उदाहरण म्हणजे रवींद्र प्रभुदेसाई आहेत. उद्योगपती घडवायचे असतील तर या पुस्तकातील प्रकल्प निर्माण करणाऱ्यांकडून शिकले पाहिजे, असे मत ज्येष्ठ खगोल अभ्यासक दा. कृ. सोमण यांनी व्यक्त केले..तर प्रभुदेसाईंसारखे उद्योजक हे कृषी क्षेत्राचे आधारस्तंभ आहेत, असे मत राजश्री यादवराव यांनी या वेळी व्यक्त केले. दरम्यान वाढदिवसानिमित्त समाजऋण म्हणून प्रभुदेसाईंच्या हस्ते १५ सामाजिक संस्थांचा धनादेश देऊन सत्कार करण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
