Climate Impact: खानदेशात तृणधान्यात बाजरी पीक सध्या वाढत आहे. पण ढगाळ वातावरण, रात्रीचा गारठा यामुळे पीकवाढीत अडथळे येत आहेत. त्यात आता पावसाची स्थिती असल्याने पिकास फटका बसेल, अशी चिंता आहे. .सध्या सकाळी ढगाळ वातावरण राहते. सायंकाळी गारठा व सुसाट वारा असतो. बाजरीची पेरणी खानदेशात बऱ्यापैकी झाली आहे. चाऱ्यासह धान्यासाठी बाजरीची पेरणी केली जाते. पेरणी जळगाव जिल्ह्यात अधिक आहे. धुळे व नंदुरबारात मिळून सुमारे अडीच हजार हेक्टरवर बाजरी पेरा झाला आहे. खानदेशात चांगले पाऊसमान असतानादेखील बाजरी पेरा झाला आहे. कारण धुळ्यातील शिंदखेडा, साक्री, जळगावातील चाळीसगाव, पारोळा, अमळनेर भागात पेरा फारसा घटत नाही. धुळ्यातील शिंदखेडा पेरणीत आघाडीवर असतो..Cloudy Weather Impact: ढगाळ वातावरणाचा खानदेशात पिकांना फटका.जानेवारीत होता गारठाजानेवारी महिन्यात थंडी होती. या काळातही बाजरीच्या उगवणीवर परिणाम झाला.. बाजरीच्या उगवणीसाठी कमाल तापमान अनुकूल असावे लागते. परंतु तापमान कमी होते. आता पीक निसवले असताना ढगाळ वातावरणही मागील काही दिवसांपासून आहे. यामुळे पीकवाढीस फटका बसला आहे. ही समस्या अधिक फोफावलेली नाही..Cloudy Weather : काही दिवसांपासून ढगाळ वातावरण.अळीनाशकाची फवारणीपीक अडीच ते तीन महिन्यांचे अनेक भागात झाले आहे. या पिकात तीन वेळेस सिंचन झाले आहे. कमाल क्षेत्रातील बाजरी पिकास पाट पद्धतीने खानदेशात सिंचन केले जात आहे. तापी, गिरणा, अनेर पट्ट्यात केळी पिकातही बाजरीची पेरणी झाली आहे..दोन वेळेस खतेही शेतकऱ्यांनी दिली आहेत. काही शेतकऱ्यांनी एक वेळेस अळीनाशकाची फवारणीदेखील पिकात घेतली आहे. पीकवाढीसाठी काही शेतकऱ्यांनी संप्रेरकांची फवारणीदेखील घेतली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
