Amravati News: शेतकरी, शेतमजूर, तसेच मेळघाटातील आदिवासींच्या समस्यांवर सरकारने उपाययोजना कराव्यात, या मागणीसाठी माजी राज्यमंत्री बच्चू कडू हे रविवार (ता. १) पासून २५० किलोमीटरची पदयात्रा काढणार आहेत. मेळघाटातील दुर्गम भागात जाऊन प्रत्यक्ष परिस्थिती जाणून घेणे, ग्रामसभांमधून नागरिकांशी संवाद साधणे आणि त्यांच्या समस्या शासनापर्यंत पोहोचवणे, हा या यात्रेचा मुख्य उद्देश असल्याचे श्री. कडू यांनी यावेळी सांगितले..या पदयात्रेत शेतकरी कर्जमाफीचा मुद्दा अग्रस्थानी ठेवण्यात आला आहे, असे ते म्हणाले. शासनाने ३० जून २०२६ पर्यंत कर्जमाफीचे आश्वासन दिले असले तरी त्याबाबत ठोस निर्णय झालेला नसल्याचा आरोप त्यांनी केला. १५ मार्चपर्यंत पात्र शेतकऱ्यांची यादी जाहीर करावी, .Bachchu Kadu: बच्चू कडूंची ‘सात-बारा कोरा’ पदयात्रा.तसेच २०२५-२६ मधील दुष्काळ, नापिकी आणि हमीभाव न मिळाल्यामुळे शेतकऱ्यांना अतिरिक्त कर्जमाफी द्यावी, अशी त्यांची मागणी आहे. शासनाने आपली भूमिका तातडीने स्पष्ट करावी, अन्यथा आंदोलन तीव्र करण्याचा इशाराही त्यांच्याकडून देण्यात आला..Bachchu Kadu : मशाल पेटवून आमदारांच्या घरासमोर ११ एप्रिलला आंदोलन; कर्जमाफीसाठी 'प्रहार'चा आक्रमक पवित्रा.मनरेगा अंतर्गत मंजूर कामे रखडल्याने मजुरांमध्ये नाराजी आहे. कामे तातडीने सुरू करावीत, मजुरांचे वेतन आठवडाभरात थेट खात्यात जमा करावे आणि विलंब झाल्यास व्याज द्यावे. दुर्गम भागात नेटवर्कअभावी ऑनलाइन हजेरीची अट अडथळा ठरत असल्याने ऑफलाइन व्यवस्था सुरू करावी, रोजगार सेवकांना ग्रामपंचायत कर्मचारी दर्जा देऊन ‘समान काम, समान वेतन’ लागू करावे आणि कंत्राटी भरती थांबवावी. त्यासोबतच मेळघाटातील वाढत्या मानव–वन्यप्राणी संघर्षाचा प्रश्नही यात्रेतून ठळकपणे मांडण्यात येणार आहे. राज्यस्तरीय स्वतंत्र धोरण जाहीर करून जलद प्रतिसाद पथके, एआय कॅमेरे आणि संरक्षण यंत्रणा उभारावी..चिखलदऱ्यात समारोपपदयात्रेचा समारोप ९ मार्च रोजी चिखलदरा येथे होणाऱ्या महाअंतिम सभेच्या माध्यमातून होईल. या पदयात्रेत शेतकरी शेतमजूर व आदिवासी बांधवांनी सहभागी व्हावे, असे आवाहन कडू यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
