Chandrakant Navghare On Ativrushti Madat: विधानसभेत राज्यपालांच्या अभिभाषणावरील चर्चेवेळी राष्ट्रवादी काँग्रेसचे वसमतचे आमदार चंद्रकांत उर्फ रानूभैय्या नवघरे यांनी शेतकऱ्यांच्या व्यथा मांडल्या. अतिवृष्टी आणि पूरबाधित अर्थसाह्य अजून काही शेतकऱ्यांच्या खात्यावर जमा झालेले नाही. पीक विम्याची नुकसान भरपाईही शेतकऱ्यांना मिळत नसल्याचे त्यांनी सांगितले. पीक विम्याबाबत पारदर्शकता हवी, अशी सूचना त्यांनी केली. .काल हिंगोली जिल्ह्यात वादळी पावसामुळे शेतकऱ्यांचे मोठे नुकसान झाले. वसमत तालुक्यात गहू, हरभरा पीक नेस्तनाभूत झाले. त्यासाठी शेतकऱ्यांना मदत करण्यासाठी पॅकेज जाहीर केले पाहिजे, अशी मागणी विधानसभेत केली. आज शेतकरी मोठ्या अडचणींचा सामना करत आहे. खरीप हंगाम २०२६-२७ साठी एचटीबीटी कापूस लागवडीसाठी परवानगी द्यावी. जेणेकरुन शेतकऱ्यांचे उत्पन्न वाढवण्यास मदत होईल, असे त्यांनी नमूद केले..हिंगोली जिल्ह्यात शेतकऱ्यांचे मोठे नुकसान होत आहे. पण ज्या पद्धतीने शेतकऱ्याला पीक विम्याची भरपाई मिळायला हवी; ती त्यांना मिळत नाही. सरकारचे यावर नियंत्रण हवे. शेतकरी रात्र- दिवस कष्ट करतो. पण त्याला तेवढा मोबदला मिळत नाही. शेतकऱ्यांच्या जीवनात चार दिवस सुखाचे आणण्यासाठी प्रयत्न केले पाहिजेत. विहिरीचे, गोठ्याचे, घरकुलाचे पैसे शेतकऱ्यांना पैसे वेळवर मिळत नसल्याचे ते म्हणाले..Onion Prices Crash: कांद्याला दोन हजार दर मिळायला हवा, जयंत पाटील यांची विधानसभेत मागणी.'शक्तिपीठ महामार्गाबाबत सरकारने विचार करावा' शक्तिपीठ महामार्गाबाबत सरकारने पुन्हा विचार करावा, अशी विनंती त्यांनी केली. या महामार्गामुळे जे दोन, अडीच एकरचे अल्पभूधारक शेतकरी आहेत, त्यांची शेती रस्त्यावर येईल आणि तो शेतकरीही रस्त्यावर येईल, अशी चिंता त्यांनी व्यक्त केली. .PM Kisan Yojana: १ फेब्रुवारी २०१९ नंतर शेती घेतलेल्या शेतकऱ्यांनाही मिळणार 'पीएम किसान'चा लाभ- कृषिमंत्री भरणे .मुख्यमंत्री बळीराजा शेत/ पाणंद रस्ते योजना प्रभावीपणे राबवण्यासाठी काम करावे लागेल. रस्त्याअभावी शेतकऱ्याला शेतापासून ४ किलोमीटरपर्यंत शेतमाल ओढून आणावा लागतो. त्यासाठी ही योजना कागदावर न राहता त्याची प्रभावी अंमलबजावणी व्हायला हवी, असे त्यांनी सूचित केले..मुख्यमंत्री बळीराजा मोफत वीज योजनेविषयी बोलताना ते म्हणाले की, मला एका शेतकऱ्याचा फोन आला. त्याच्या मुलाची दहावीची परीक्षा सुरु आहे. पण त्याच्या घराची वीज तोडणीसाठी एमएसईबीचे लोक गेलेत. इथे सभागृहात वीज, वातानुकुलित यंत्रणा सुरु आहे. पण तेथे रात्री अभ्यास करण्यासाठी वीज नसेल तर ही योजना केवळ कागदावर जाहीर करणार का? असा सवाल त्यांनी केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
