Flood Damage in Assam: आसाममधील महापुरात हजारो कुटुंबे जीव वाचविण्यात यशस्वी झाली असली, तरी त्यांच्यासमोर आता उद्ध्वस्त झालेले आयुष्य पुन्हा उभे करण्याचे मोठे आव्हान आहे. गेल्या आठवड्यात आलेल्या पुरामुळे शिवसागर जिल्ह्याला सर्वाधिक फटका बसला. या वर्षी आसाममधील पुरात ६८ जणांचा मृत्यू झाला असून, या काळात सहा लाखांहून अधिक नागरिक विस्थापित झाले होते..नाझिरा येथील निवृत्त प्राध्यापक मुकुल बेझबोरा आणि त्यांची पत्नी बोंटी यांनी १९ जुलैच्या रात्री तब्बल १२ तास घरात साचलेल्या पुराच्या पाण्यात तरंगणाऱ्या लाकडी दिवाणावर बसून जीव वाचवला. मोबाइलची बॅटरी संपल्याने बाहेरील जगाशी त्यांचा संपर्क तुटला होता. दुसऱ्या दिवशी प्रशासनाच्या बोटीने त्यांची सुटका करण्यात आली..River Flood Crisis: कायगाव, गोदावरी नदीला पूर.घरी परतल्यावर मात्र त्यांच्या संसाराचे चित्र पूर्णपणे बदललेले त्यांना दिसले. घरात चिखल आणि गाळाचे ढिगारे साचले होते. दोन ट्रकभर चिखल काढूनही घरात दोन ते तीन इंच गाळ शिल्लक राहिला होता. फर्निचर, फ्रीज, कपाटे आणि घरातील बहुतांश साहित्य पाण्यामुळे खराब झाले..Flood Fishermen Compensation: पूरग्रस्त मत्स्य व्यावसायिकांना चार कोटींची भरपाई मंजूर.बेझबोरा म्हणाले, ‘‘१९९२ पासून नाझिरात राहतो. पावसामुळे पाणी साचण्याचे प्रकार यापूर्वी झाले; पण इतका भीषण पूर कधीच पाहिला नव्हता.’’ अनेकांनी उपजीविकेची साधनेही गमावली असून, त्यांच्या तातडीच्या पुनर्वसनाची गरज असल्याचे त्यांनी सांगितले..घराबाहेर पडण्याची वेळशिवसागरमधील ओएनजीसी वसाहतीत राहणाऱ्या मधुस्मिता बोरठाकूर यांच्यासाठीही ही रात्र तितकीच भीषण ठरली. पती कामानिमित्त बाहेर असताना त्या नऊ आणि तीन वर्षांच्या दोन मुलींसह घरात अडकल्या होत्या. पाणी झपाट्याने वाढत असल्याने त्यांनी उघड्या व्हॅनमधून मुलींना घेऊन सुरक्षित ठिकाणी आश्रय घेतला. तसेच, काही दिवस त्यांना मैत्रिणीकडे राहावे लागले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
