Washi News: मे महिन्यात अवकाळी पावसाने नुकसान झालेल्या पिकांचे जवळपास एक कोटी दहा लाख रुपयांचे अनुदान मिळाले. पण सहा महिन्यांपासून सर्व्हर बंद असल्याने केवायसी करण्यात अडचणी येत आहे. त्यामुळे अनुदानही रखडले आहे. महिनाभरापूर्वी सर्व्हर सुरू झाल्यानंतर शेतकऱ्यांनी केवायसीची प्रक्रिया पूर्ण केली; मात्र अद्यापपर्यंतही शेतकऱ्यांना अनुदान मिळाले नसल्याने संकटात सापडलेल्या शेतकऱ्यांसमोरील अडचणी वाढल्या आहेत..मे महिन्यात झालेल्या अवकाळी पावसामुळे तालुक्यातील एक हजार ७४३ शेतकऱ्यांच्या रब्बी हंगामातील प्रामुख्याने कांदा, भुईमूग, ड्रॅगन फ्रूट आदी ६४७ हेक्टरवरील पिकांचे मोठे नुकसान झाले होते. त्यावेळी नुकसानीचे पंचनामे करून अनुदान देण्याची जोरदार मागणी शेतकऱ्यांकडून झाल्याने मागणीची दखल घेत शासनाने पंचनामे करण्याचे आदेश दिले. .Crop Damage Compensation : जालना जिल्ह्यात १८५ कोटी नुकसाभरपाईची मदत वाटप.त्यानंतर स्वत: तहसीलदार प्रकाश म्हेत्रे यांनी तालुक्यात अनेक ठिकाणी भेटी देऊन नुकसानीची पाहणी केली होती. तर महसूल यंत्रणेने पंचनामे पूर्ण करून नुकसानीचा अहवाल वरिष्ठांना देऊन निधीची मागणी केली. आल्यानंतर शेतकऱ्यांना अनुदान स्वरूपात वाटप करण्यात येणाऱ्या निधीला मंजुरी ही देण्यात आली.मात्र शेतकऱ्यांच्या बँक खात्यावर अनुदान जमा होण्यासाठी केवायसी करणे बंधनकारक करण्यात आले. .Crop Damage Compensation : अखेर नुकसान भरपाई यादीत गोंडपिंपरी तालुक्याचा समावेश .पात्र शेतकऱ्यांच्या याद्या ही केवायसी करण्यासाठी संबंधित केंद्रांवर उपलब्ध झाल्या. मात्र केवायसी करण्यासाठी असलेले सर्व्हर जवळपास सहा महिन्यांपासून बंदच होते. त्यानंतर मागील महिन्यात सर्व्हर सुरू झाल्यानंतर शेतकऱ्यांनी केवायसीची प्रक्रिया पूर्ण केली आहे..केवायसी करून महिनाभराचा कालावधी होऊनही शेतकऱ्यांना अद्यापही अनुदान मिळालेले नाही. नुकसान होऊन सात महिने झाले तरीही अनुदान मिळत नसल्याने शेतकऱ्यांमधून मोठी नाराजी व्यक्त होत आहे. शासन शेतकऱ्यांची दिशाभूल करीत असल्याची चर्चा शेतकऱ्यांमध्ये आहे..मे महिन्यातील अवकाळी पावसाने झालेल्या नुकसानीच्या अनुदान वाटपासाठी केवायसी करणे आवश्यक आहे; मात्र तांत्रिक अडचणींमुळे सर्व्हर बंद राहिल्याने अडचण आली होती. मात्र रखडलेल्या अनुदान वाटपासंदर्भात वरिष्ठांना माहिती दिलेली असून, आठवडाभरात केवायसीची प्रक्रिया पूर्ण केलेल्या पात्र शेतकऱ्यांच्या बँक खात्यावर अनुदान जमा होईल.- प्रकाश म्हेत्रे, तहसीलदार, वाशी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
