APMC Cess Issue: ‘‘कृषी उत्पन्न बाजार समित्यांमधील सेस रद्द करण्याबाबत मंत्रालयात मंगळवारी (ता. २५) होणाऱ्या बैठकीत तोडगा काढू,’’ असे आश्वासन पणनमंत्री जयकुमार रावल यांनी राज्य व्यापारी कृती समितीच्या शिष्टमंडळाला दिले..कृती समितीचे घटक असलेल्या महाराष्ट्र चेंबर ऑफ कॉमर्स, इंडस्ट्री अँड ॲग्रिकल्चरचे उपाध्यक्ष संजय शेटे व चेंबर ऑफ असोसिएशन्स ऑफ महाराष्ट्र इंडस्ट्री अँड ट्रेडचे सचिव अजित कोठारी यांच्या शिष्ठमंडळाने रावल यांची भेट घेऊन निवेदन दिले.आमदार राजेंद्र पाटील-यड्रावकर व आमदार राहुल आवाडे यांनीही भेट घडवून दिली..Pune APMC : पुणे बाजार समिती गैरव्यवहाराच्या ‘चौकशी’ची पुन्हा चौकशी !.निवेदनात म्हटले आहे, की शेती उत्पन्न बाजार समिती अधिनियमाला साठ वर्षे झाली. या काळात देशातील करप्रणाली, व्यापार पद्धती, तंत्रज्ञान व बाजारपेठ बदलली आहे. जीएसटी कर लागू केला, तरीही मार्केट सेस कायम आहे. यूजर चार्जेस आकारला जातो. त्यामुळे व्यापारी व ग्राहकांवर अतिरिक्त आर्थिक भार पडत आहे. .यूजर चार्जेस वसुलीसाठी व्यापाऱ्यांना नोटिसा देणे अन्यायकारक आहे. ज्या कालावधीत व्यापाऱ्यांनी, असे शुल्क ग्राहकांकडून वसूलच केलेले नाही, ते व्यापाऱ्यांकडून व्याजासह वसूल करणे व्यवहार्य नाही. त्यामुळे अशा सर्व नोटिसा व वसुलीची कारवाई मागे घ्यावी. ग्रेन मर्चंट्स असोसिएशनचे अध्यक्ष संजीव परीख म्हणाले, ‘‘जीएसटी लागू झाल्यानंतर ‘एक देश, एक कर, एक मार्केट’ या संकल्पनेनुसार कृषी उत्पन्न बाजार समिती सेस कर रद्द व्हावा.’’.APMC Accident Insurance: जुन्नर बाजार समितीकडून शेतकरी, व्यापाऱ्यांसाठी अपघात विमा.चेंबरचे मानद सचिव अजित कोठारी म्हणाले, ‘‘शासनाने व्यापारी संघटनांशी चर्चा करून विद्यमान मार्केट सेस कायदा आणि कार्यपद्धतीचा सर्वंकष आढावा घेऊन सुधारणा कराव्यात.’’ ग्रेन मर्चंट्स असोसिएशनचे उपाध्यक्ष धन्यकुमार चव्हाण, विवेक शेटे, किरण तपकिरे, सांगली बाजार समितीचे संचालक प्रशांत मजलेकर, सांगली चेंबर ऑफ कॉमर्सचे अध्यक्ष अमरसिंह देसाई, दीपक चौगले, सचिन घेवारे उपस्थित होते.....तर असहकार आंदोलनचेंबरचे अध्यक्ष शेटे म्हणाले, ‘‘राज्यव्यापी व्यापारी परिषदेत मार्केट सेस व यूजर चार्जेस विना पर्याय कायमस्वरूपी रद्द करण्याची मागणी केली. त्यानुसार २ ऑक्टोबरपर्यंत मार्केट सेस रद्द करण्याबाबत शासनाने ठोस निर्णय न घेतल्यास, राज्यातील व्यापारी बाजार समित्यांविरोधात असहकार आंदोलन सुरू करतील.’’.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
