Solapur News : सोलापूर : जिल्ह्यासाठी लवकरच २० नवीन एसटी बस मिळणार आहेत. यापैकी दहा बस अक्कलकोट आगाराला तर दहा बस बार्शीला आगाराला देण्यात येणार असल्याची माहिती राज्य परिवहन महामंडळाचे सोलापूर विभाग नियंत्रक अमोल गोंजारे यांनी दिली. मात्र, जिल्ह्याला मिळणाऱ्या बस आणि आवश्यकता असणाऱ्या बसमध्ये मोठी तफावत आहे.
सोलापूर जिल्ह्यातील अनेक ग्रामीण मार्गांवर अत्यंत जुन्या बस सध्या सेवा देत आहेत. मुळात खराब रस्ते आणि अशातच जुन्या बस यामुळे प्रवाशांना या बसमधून प्रवास करणे अत्यंत कठीण झाले आहे. अनेक वेळा रस्त्यात कुठेही बस बंद पडतात. एसटीच्या काचा तुटलेल्या असल्यामुळे प्रवाशांना थंडीत कुडकुडत प्रवास करावा लागत आहे.
रात्रीच्या वेळी तसेच सकाळच्या वेळी प्रवास करताना थंडीमुळे काचा बंद करणे आवश्यक असते. मात्र, अनेक बसच्या काचा लागत नसल्यामुळे प्रवाशांना थंडीचा त्रास सहन करावा लागत आहे.
आगीच्या घटनेमुळे प्रवासी भयभीत
सांगोला आगाराच्या एका बसला मोहोळ बसस्थानकावर नुकतीच आग लागली. बस खराब असणे किंवा पंक्चर होणे, नादुरुस्त होणे हे अनेकदा घडते. मात्र, कोणत्याही अपघाताशिवाय मोहोळ बसस्थानकावर नुकतीच एक बस आगीच्या भक्ष्यस्थानी पडली. यामुळे प्रवाशांमध्ये भीतीचे वातावरण आहे. विशेष म्हणजे, आग विझविण्यासाठी मोहोळ बस स्थानकावर आवश्यक उपाययोजना असणे आवश्यक होते; मात्र आगीचा भडका उडाल्यानंतर तिला नियंत्रणात आणणे कठीण झाले होते.
जुन्या बस अनेक असल्या तरी जिल्ह्यात एकही बस १५ वर्षांपेक्षा अधिक दिवस झालेली नाही. जिल्ह्याला आवश्यक असलेल्या बसची संख्या मोठी आहे. सध्या वीस बस मिळाल्या आहेत. आणखी काही दिवसांनी नवीन बस येणार आहेत.
- अमोल गोंजारी, विभाग नियंत्रक, राज्य परिवहन महामंडळ, सोलापूर
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.