Sangali News: सांगली जिल्हा परिषदेत सत्ता स्थापण्यापासून भाजपला रोखण्यासाठी पर्यायी आघाडीच्या हालचाली सुरू झाल्या आहेत. सत्तेसाठी काँग्रेससह दोन्ही राष्ट्रवादी आणि दोन्ही शिवसेना एकत्र येणार असल्याचे संकेत मिळत आहेत; मात्र राष्ट्रवादी काँग्रेस (अजित पवार गट) आणि शिवसेना (एकनाथ शिंदे गट) या दोन्ही पक्षांना वरिष्ठांच्या निर्णयाची प्रतीक्षा आहे. त्यामुळे भाजपला सत्तेबाहेर ठेवत पर्यायी आघाडी उभी करण्याच्या हालचालींना यश येणार का, हा प्रश्न आहे..जिल्हा परिषदेत कोणत्याही पक्षाला बहुमत मिळालेले नाही. सर्वाधिक १८ जागा राष्ट्रवादी काँग्रेस शरद पवार पक्षाला मिळाल्या असून त्या खालोखाल १६ जागा भाजपला मिळाल्या आहेत. हे दोन्ही पक्ष सत्ता स्थापन करण्यासाठी प्रयत्न करत आहेत. सध्या राष्ट्रवादी शरद पवार पक्षाच्या बाजूने असणाऱ्या काँग्रेसला ११ जागा आणि शिवसेना ठाकरे गट एक जागा अशा ३० जागा आहेत. भाजपकडे जनसुराज्य आणि रयत क्रांती या दोन्ही पक्षांची प्रत्येकी एक जागा आहे. त्यामुळे भाजपकडे सध्या १८ जागा आहेत..Sangali Crop Loss: सांगलीत ५१ हजार हेक्टरवर पीक नुकसान.दरम्यान, राजकारणात सगळे पत्ते लगेच ओपन करता येत नाहीत. जिल्हा परिषदेत भाजप, अजित पवार यांची राष्ट्रवादी आणि शिवसेनेसोबत समन्वय करून महायुतीचा अध्यक्ष होईल, यात शंका नाही, असा दावा भाजपचे ज्येष्ठ नेते पालकमंत्री चंद्रकांत पाटील यांनी व्यक्त केला. त्या अनुषंगाने भाजपनेही सत्ता स्थापनेच्या हालचाली सुरू ठेवल्या आहेत. महायुतीचे घटक पक्ष असलेल्या एकनाथ शिंदे शिवसेना आणि राष्ट्रवादी अजित पवार पक्षाच्या वरिष्ठ नेत्यांसोबत बोलणी सुरू आहेत. .शिवसेना एकनाथ शिंदे गट आणि राष्ट्रवादी अजित पवार गट यांच्या निर्णयाकडे लक्ष असले तरी अजित पवार गटाचे नेते अध्यक्ष पदासाठी आग्रही असून ते महाविकास आघाडी सोबत जाण्यास उत्सुक आहेत. जिल्हा परिषदेत एकत्र येण्यासाठी गेल्या काही दिवसांत विविध पक्षांच्या नेत्यांच्या गोपनीय बैठका सुरू आहेत. शिवसेनेचे आमदार सुहास बाबर यांनी दोन दिवसांत उपमुख्यमंत्री एकनाथ शिंदे यांची भेट घेऊन कोणासोबत जायचे याचा निर्णय घेणार असल्याचे सांगितले आहे. दुसरीकडे शरद पवार राष्ट्रवादी पक्षाचे नेते आमदार जयंत पाटील यांनीही अशाच प्रकारचे संकेत पुण्यात बोलताना दिले आहेत..समित्यांच्या सभापतीपदांबाबत चर्चात्यामुळे काही नेत्यांनी अध्यक्ष, उपाध्यक्ष पदांसह विषय समितींच्या सभापती पदाबाबत प्राथमिक चर्चा केल्याचेही समजते. त्यामुळे भाजपला वगळून हे सगळे पक्ष एकत्र येणार का याची उत्सुकता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
