Kolhapur News: सहकारी पाणीपुरवठा संस्थांच्या ट्रान्सफॉर्मर, विद्युत पंप, वायर आणि इतर साहित्य चोरीच्या वाढत्या घटनांबाबतची पोलिसांकडील उदासीनता तसेच नदीकाठच्या शेतकऱ्यांना सोलर कनेक्शन सक्तीच्या विरोधात सोमवारी (ता. ८) जिल्हाधिकारी कार्यालयासमोर ‘सर्वपक्षीय ठिय्या आंदोलन’ करण्यात आले. इरिगेशन फेडरेशनने या आंदोलनात पुढाकार घेतला..गेल्या काही महिन्यांपासून जिल्ह्यातील सहकारी पाणी पुरवठा संस्थांचे तब्बल २५ ते ३० ट्रान्सफॉर्मर, मोटार पंप आणि इतर साहित्य चोरीला गेले आहे. सप्टेंबर आणि नोव्हेंबर महिन्यात जिल्हा पोलीसप्रमुख व जिल्हाधिकाऱ्यांना निवेदन देऊनही चोरीचे प्रमाण आळा घालण्याऐवजी वाढत आहे..Irrigation Federation Agitation : इरिगेशन फेडरेशनचे आज ठिय्या आंदोलन.या बाबतीत संबंधित चोरट्यांवर कठोर कारवाई व्हावी, अशी मागणी या वेळी करण्यात आली. जिल्ह्यातील सर्व सहकारी पाणीपुरवठा संस्था, सभासद व कृषिपंपधारक शेतकरी या आंदोलनात सहभागी झाले..Kolhapur Irrigation Federation : 'राज्य सरकार आणि जलसंपदा विभागाची शेतकऱ्यांविरोधात हुकुमशाही आहे का'?.राज्य शासन व महावितरण कंपनीने ऑक्टोबर-२०२४ पासून कृषिपंपाला फिडरवरून सर्व्हिस कनेक्शन देण्याचे थांबवून सोलर कनेक्शन घेण्यासाठी सक्ती केली जात आहे. शासनाने सोलरबाबतीत चांगले धोरण आणले आहे, मात्र नदीकाठी कनेक्शन घेताना महापुरामुळे तेथे सोलर पॅनेल बसविणे अडचणीचे आहे. कारण नदीकाठची जमीन भुसभुशीत असल्यामुळे व खडकाळ नसल्यामुळे पॅनेल उभे करणे शक्य होणार नाही, तसेच महापुरामुळे सोलर पॅनेल वाहून जाण्याची भीती आहे..अनेक शेतकरी अल्पभूधारक असल्यामुळे त्यांना पॅनेल बसविणे शक्य नाही. अशा स्थानिक अडचणीमुळे कृषी ग्राहकांची महावितरणकडून कोंडी झाली आहे. त्यामुळे नदीकाठच्या शेतकऱ्यांच्या कृषिपंपाना पूर्वीप्रमाणे फिडरवरून वीजजोड देण्यात यावेत, अशी मागणी या वेळी करण्यात आली. आंदोलनात विक्रांत पाटील किणीकर, माजी आमदार संजय बाबा घाटगे, अमरीश घाटगे, राजेंद्र सूर्यवंशी आदींसह विविध पक्ष संघटनांचे पदाधिकारी सहभागी झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
