Crop Production: अकोला जिल्ह्यातील खरीप पिकांची नजरअंदाज पैसेवारी ४४ पैसे जाहीर झाली असून, ९९० गावांच्या पीक पाहणीत सर्व तालुक्यांमध्ये पैसेवारी ५० पैशांपेक्षा कमी नोंदविण्यात आली आहे. गतवर्षी जिल्ह्याची खरीप पैसेवारी ४८ पैसे होती. यंदा पावसातील खंडामुळे खरीप पिकांच्या उत्पादनावर परिणाम झाला असून, पैसेवारीच्या आकडेवारीतून पीक परिस्थितीची तीव्रता स्पष्ट झाली आहे..जिल्ह्यातील १ हजार १२ महसुली गावांपैकी खरीप लागवडीयोग्य ९९० गावांची पीक पाहणी करण्यात आली. या गावांची सरासरी पैसेवारी ४४ पैसे आली आहे. तालुकानिहाय पाहता पातूरची पैसेवारी सर्वांत कमी ४० पैसे आहे. अकोला ४६, अकोट ४५, तेल्हारा ४५, बाळापूर ४२, मूर्तिजापूर ४४ आणि बार्शीटाकळी ४४ पैसेवारी नोंदविण्यात आली आहे..Kharif Crop Paisewari: बुलडाणा जिल्ह्यात पैसेवारी ५० पैशांखाली.जुलैमध्ये काही भागांत झालेल्या अतिवृष्टीमुळे पिकांचे सुरुवातीला नुकसान झाले होते. त्यानंतर ऑगस्ट आणि सप्टेंबरमध्ये पावसाने दीर्घ दडी मारल्याने खरीप पिकांवर परिणाम झाला. सोयाबीनचे पीक सुकले असून, कपाशीच्या उत्पादनावरही परिणाम झाला आहे. अन्य खरीप पिकांनाही पावसाच्या खंडाचा फटका बसला. उत्पादन घटण्याची शक्यता असल्याने शेतकऱ्यांच्या उत्पन्नावर परिणाम होणार आहे. दरम्यान, बियाणे, खते, औषधे, मशागत आणि मजुरीवर झालेला खर्च कायम राहणार आहे..Kharif Paisewari: बुलडाण्यातील १४२० गावांमध्ये अंतिम पैसेवारी ५० पैशांखाली.शासनाने २६ सप्टेंबर रोजी जिल्ह्यात दुष्काळ जाहीर केला आहे. त्यानुसार जमीन महसुलात सूट, पीक कर्जाचे पुनर्गठन, शेतीशी निगडित कर्जाच्या वसुलीस स्थगिती, कृषी पंपांच्या वीजबिलात सवलत, विद्यार्थ्यांच्या परीक्षा शुल्कात माफी आणि रोजगार हमीच्या कामांच्या निकषांत शिथिलता अशा सवलती लागू झाल्या आहेत. नुकसान झालेल्या पिकांची भरपाई आणि पुढील हंगामासाठी आर्थिक आधार मिळण्याची अपेक्षा शेतकऱ्यांकडून व्यक्त होत आहे..दुष्काळामुळे मिळणाऱ्या सवलतीजमीन महसुलात सूटपीक कर्जाचे पुनर्गठनशेतीशी निगडित कर्जाच्या वसुलीस स्थगितीकृषी पंपांच्या वीजबिलात सवलतविद्यार्थ्यांच्या परीक्षा शुल्कात माफीरोजगार हमीच्या कामांच्या निकषांत शिथिलता.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
