New Delhi News: भारतामध्ये आयोजित ‘एआय इम्पॅक्ट’ परिषदेमध्ये दक्षिण जगातील अनेक धोरणकर्ते आणि तंत्रज्ञान क्षेत्रातील दिग्गज एकत्र आले आहेत. कृत्रिम बुद्धिमत्तेच्या (एआय) क्षेत्रातील सहकार्य बळकट करणे आणि आर्थिक व सामाजिक विकासासाठी एकत्रित मार्ग शोधणे, हा या परिषदेचा मुख्य उद्देश आहे..जागतिक स्तरावर ‘एआय’चा विकास होत असतानाच सर्वांना समान शिक्षण, नियामक समन्वय आणि पायाभूत सुविधांमधील भागीदारीच्या महत्त्वावर इंडोनेशिया, युगांडा आणि घाना या देशांच्या प्रतिनिधींनी भर दिला आहे..Bharat-VISTAAR AI : 'भारत-विस्तार एआय' १७ फेब्रुवारीपासून शेतकऱ्यांसाठी उपलब्ध होणार; कृषिमंत्री शिवराजसिंह चौहान यांच्या हस्ते उद्घाटन.इंडोनेशियाच्या मंत्री कौत्सरिना आडम यांच्याशी ‘एएनआय’ने संवाद साधला. त्या म्हणाल्या, ‘‘आमची अर्थव्यवस्था सुधारण्यासाठी आणि इतर देशांशी जागतिक करार करण्यासाठी ‘एआय’चा अवलंब करणे आमच्यासाठी अत्यंत महत्त्वाचे आहे. शिक्षण, जनजागृती आणि नियामक आराखड्यामध्ये एआय कौशल्य सुधारणेचा आम्हाला फायदा होऊ शकतो. यासाठी आम्ही भारतातील डेटा सेटचा वापर करू शकतो.’’.India Ai Impact Conference: ‘इंडिया एआय इम्पॅक्ट’ परिषद आजपासून दिल्लीत.युगांडाच्या माहिती आणि दळणवळण तंत्रज्ञान मंत्रालयातील वरिष्ठ अभियंता आयरीन कारुंगी सेकितोलेको यांनीही ‘एआय’ क्षेत्रात भारताकडून सहकार्याची अपेक्षा व्यक्त केली आहे. ‘‘भारत कशा प्रकारे स्थानिक समस्या सोडवण्यासाठी उपाययोजना करत आहे, हे आम्हाला शिकायचे आहे. आमच्याकडे पायाभूत सुविधांची कमतरता असल्याने आम्ही संगणकीय शक्ती आणि इतर आव्हाने पेलण्यासाठी भागीदारी करण्यास उत्सुक आहोत,’’ असे त्या म्हणाल्या..भारत निर्णायक टप्प्यावरसेमीकंडक्टर आणि ‘एआय’ क्षेत्रात भारत सध्या एका निर्णायक टप्प्यावर पोहोचला असून धोरणात्मक पाठबळ आणि दीर्घकालीन गुंतवणुकीच्या माध्यमातून देश स्वयंपूर्ण क्षमता विकसित करत असल्याचे इलेक्ट्रॉनिक्स आणि माहिती तंत्रज्ञान मंत्रालयाचे सचिव एस. कृष्णन यांनी आज सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
