Political Leadership: राज्याच्या राजकारणात नेहमीच महत्त्वाचे स्थान असलेल्या अहिल्यानगर जिल्ह्याची आता आणखी एक नवी ओळख निर्माण झाली आहे. विधानसभा आणि विधान परिषद मिळून जिल्ह्याचे एकूण १९ आमदार झाल्याने राज्यातील सर्वाधिक आमदार असलेला जिल्हा म्हणून अहिल्यानगरची नोंद झाली आहे. त्यातही मोठ्या संख्येने तरुण आमदार निवडून आल्याने जिल्ह्याच्या विकासाला अधिक चालना मिळण्याची अपेक्षा व्यक्त होत आहे..अहिल्यानगर जिल्ह्यात १२ विधानसभा मतदारसंघ आहेत. विधानसभा आणि विधान परिषद या दोन्ही सभागृहांतील प्रतिनिधित्वाचा विचार करता जिल्ह्यातील आमदारांची संख्या १९ वर पोहोचली आहे. विधान परिषदेत प्राजक्त तनपुरे यांची नुकतीच बिनविरोध निवड झाली. त्यामुळे जिल्ह्याचे विधान परिषदेतील प्रतिनिधित्व अधिक बळकट झाले आहे..Ahilyanagar MLC Election: विधान परिषदेची जागा भाजपकडे द्यावी; कार्यकर्ते आग्रही.विधान परिषदेत प्रा. राम शिंदे, अमित गोरखे, सुनील कर्जतकर, विवेक कोल्हे, शिवाजीराव गर्जे, सत्यजित तांबे आणि प्राजक्त तनपुरे असे सात सदस्य आहेत. यापैकी सत्यजित तांबे हे नाशिक पदवीधर मतदारसंघाचे प्रतिनिधित्व करतात..Ahilyanagar Legislative Council Election: अहिल्यानगरला विधान परिषद निवडणुकीचा मार्ग मोकळा.विधानसभेत भाजपचे राधाकृष्ण विखे पाटील, मोनिका राजळे, विक्रमसिंह पाचपुते आणि अक्षय कर्डिले, राष्ट्रवादी काँग्रेस (अजित पवार गट)चे डॉ. किरण लहामटे, आशुतोष काळे, काशिनाथ दाते आणि संग्राम जगताप, शिवसेनेचे विठ्ठल लंघे आणि अमोल खताळ, काँग्रेसचे हेमंत ओगले तसेच राष्ट्रवादी काँग्रेस (शरदचंद्र पवार) पक्षाचे रोहित पवार असे १२ आमदार आहेत..जिल्ह्यातील आमदारांमध्ये अक्षय कर्डिले, विक्रमसिंह पाचपुते, सत्यजित तांबे, विवेक कोल्हे, प्राजक्त तनपुरे, आशुतोष काळे, संग्राम जगताप, अमोल खताळ आणि अमित गोरखे यांसारख्या तरुण नेतृत्वाचा मोठा सहभाग आहे. त्यामुळे पारंपरिक राजकीय प्रभावासोबतच नव्या नेतृत्वाकडून विकासाभिमुख कामगिरीची अपेक्षा व्यक्त केली जात आहे..राज्यातील राजकीय घडामोडींमध्ये प्रभावी भूमिका बजावणाऱ्या अहिल्यानगर जिल्ह्याला आता संख्यात्मक बळही लाभले आहे. या प्रतिनिधित्वाचा फायदा विकासकामांसाठी होईल, अशी अपेक्षा नागरिकांकडून व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
