Fertilizer Shortage
Fertilizer ShortageAgrowon

Fertilizer Shortage : खताच्या तुटवड्यामुळे दुबार शेती संकटात

खत विक्रेते किरकोळ पद्धतीने खत विक्री करत असल्याने शेतकऱ्यांना अतिरिक्‍त पैसे मोजावे लागत आहेत.

Roha News : तालुक्यातील कोलाड खांब विभागात रासायनिक तथा युरिया खतांचा तुटवडा (Shortage of urea fertilizers) जाणवत असल्‍याने शेतकऱ्यांमध्ये नाराजी आहे.

खरीप हंगामानंतर (Kharif Season) काही शेतकरी रब्बी हंगामात (Rabbi Season) दुबार भातशेतीची लागवड करतात. मात्र खत विक्रेत्‍यांकडून वेळेवर खत मिळत नसल्यामुळे शेतीची कामे खोळंबली आहेत.

तालुक्यातील मुंबई-गोवा महामार्गालगत असलेल्या खांब, कोलाड व वरसगाव परिसरातील शेतकरी येथील कालव्याच्या पाण्यावर दुबार भात पीक घेतात. तर डिसेंबरअखेर कुंडलिका नदीच्या उजव्या व डाव्या तीर कालव्याला पाटबंधारे खात्याने पाणीही सोडले.

त्‍यामुळे शेतकऱ्यांनी पेरणी केली. भात लागवडीची कामे वेगाने सुरू असतानाच खत उपलब्ध होत नसल्याने शेतकरी चिंतेत आहेत.

Fertilizer Shortage
खत तुटवडा प्रश्नी कृषिमंत्र्यांच्या दणक्यानंतर यंत्रणेला आली जाग

खत विक्रेते किरकोळ पद्धतीने खत विक्री करत असल्याने शेतकऱ्यांना अतिरिक्‍त पैसे मोजावे लागत आहेत. त्यातच काही ठिकाणी चढ्या भावाने खतांची विक्री होत आहेत. शेतकऱ्यांना जास्‍त प्रमाणात गरज असली तरी केवळ १ ते २ किलोच खत दिले जात आहे.

वेळेवर युरिया खत उपलब्ध होत नसल्यामुळे भात लागवडीनंतर भाजीपाला लागवडीवरही परिणाम होण्याची शक्‍यता आहे. पिकाला कीड लागू नये म्‍हणून खत वापरले जाते, मात्र सरकारकडूनच खत पुरवठा होत नसल्याने शेतकरी हवालदिल झाले आहेत.

शेतकऱ्यांनी दुबार लागवड केली आहे, मात्र युरिया खताचा तुटवडा आहे. खत विक्रेत्‍यांकडे पुरेसा खत उपलब्ध नसल्याने ते किरकोळ खत विक्री चढ्‌या भावाने करीत आहेत. त्यामुळे बळीराजा हतबल झाला आहे.
चंद्रकांत सावंत, प्रगतिशील शेतकरी

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com