Parbhani News: कृषी विद्यापीठे तसेच कृषी विभागातील रिक्त जागांची भरती करण्यात यावी, या प्रमुख मागणीसह कृषी पदवीधारकांच्या विविध मागण्यांसाठी वसंतराव नाईक मराठवाडा कृषी विद्यापीठातील स्पर्धा मंचतर्फे मंगळवारी (ता.१९) जिल्हाधिकारी कार्यालयावर मोर्चा काढण्यात आला..सध्या राज्यातील कृषी विद्यापीठे तसेच कृषी विभागातील जागा मोठ्या प्रमाणावर रिक्त आहेत. भरती प्रक्रिया ठप्प असल्यामुळे हजारो कृषी पदवीधारक बेरोजगार आहेत. कृषी विभागातील रिक्त जागांची भरती तत्काळ पूर्ण करण्यात यावी. शालेय शिक्षणात कृषी हा विषय अनिवार्य करून शिक्षण विभागाच्या पोर्टलवर कृषी विषय समाविष्ट करावा..Agri Student Protest : मागण्या मान्य न झाल्यास पुन्हा आंदोलन; कृषी अभियांत्रिकी विद्यार्थ्यांचा इशारा.हा विषय शिकविण्यासाठी कृषी पदवीधरांची शिक्षक म्हणून नेमणूक करावी. कृषी विद्यापीठातील सर्वच संवर्गातील रिक्त जागा तत्काळ भरण्यात याव्यात. कृषी आचार्य पदवीच्या बॅच २०२३-२४ पासूनच्या विद्यार्थ्यांना सारथी, महाज्योती, बार्टीची अधिछात्रवृत्ती सर्वांना देण्यात यावी..Agri Student Protest : कृषी अभियांत्रिकीच्या विद्यार्थ्यांचे ‘पंदेकृवि’त ‘ताला ठोको’ आंदोलन.राज्य सहकारी बँक तथा महाराष्ट्र ग्रामीण बँक यांच्या सर्व शाखेत जिल्हास्तरावर व तालुका स्तरावर कृषी पदवीधारकांची भरती करण्यात यावी. मृद् व जलसंधारण विभागाची कामे कृषी विद्यापीठातील पदवीधारकांना देण्यात यावी..महाराष्ट्र लोकसेवा आयोगामार्फत महाराष्ट्र कृषी सेवा वर्ग-अ, वर्ग-ब तसेच कनिष्ठ गट या पदांची भरती लवकरात लवकर करण्यात यावी आदी मागण्यांचे निवेदन जिल्हा प्रशासनाला देण्यात आले. मोठ्या संख्येने विद्यार्थी सहभागी झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
