Akola News : कृषी विद्यापीठ संशोधित पीकवाण, तंत्रज्ञान, यंत्रे, माहिती शेतकऱ्यांच्या बांधापर्यंत नेत त्याला सक्षम करण्याचे प्रयत्न विद्यापीठ करीत आहे, असे प्रतिपादन डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख यांनी केले.
विद्यापीठाच्या उद्यानविद्या महाविद्यालयाच्या रौप्य महोत्सवी वर्षानिमित्त शुक्रवारी (ता. १४) व शनिवारी (ता. १५) आयोजित उद्यानविद्या दिवस (हॉर्टीकल्चर डे) कार्यक्रमाच्या उद्‍घाटन सोहळ्याचे अध्यक्ष म्हणून कुलगुरू गडाख बोलत होते.
या वेळी व्यासपीठावर भारतीय कृषी संशोधन परिषदेचे पूर्व उपमहासंचालक (उद्यानविद्या) डॉ. एच. पी. सिंग, हिवरे बाजारचे माजी सरपंच पोपटराव पवार, अटारीचे (पुणे) संचालक शुब्रतो रॉय, शिक्षण विस्तार संचालक डॉ. धनराज उंदिरवाडे, आंबा तज्ज्ञ डॉ. भागवतराव कापसे, राहुरी विद्यापीठाचे संशोधन संचालक डॉ. शिर्के, अनिल बोंडे, उपवनसंरक्षक कुमारस्वामी, विद्यापीठ कार्यकारी परिषद सदस्य मोरेश्‍वर वानखेडे,
केशवराव तायडे, जैन इरिगेशनचे उपाध्यक्ष डॉ. के. बी. पाटील, अधिष्ठाता डॉ. देवानंद पंचभाई, डॉ. श्‍यामसुंदर माने, डॉ. सुरेंद्र काळबांडे, सीताफळ महासंघाचे अध्यक्ष श्‍याम गट्टाणी, सचिव अनिल बोंडे, प्रमोद पाटील, डॉ. सुधीर वडतकर, संतोष करंचे (बारामती), डॉ. नितीन कोष्टी, नियंत्रक डॉ. सतीश ठाकरे आदींची प्रमुख उपस्थिती होती.
डॉ. गडाख म्हणाले, ‘‘शेतकऱ्यांना शाश्‍वत उत्पन्न मिळवून देण्याच्या उद्देशाने सर्वांच्या सहकार्याने ‘मॉडेल व्हिलेज’ ही संकल्पना विदर्भातील ११ जिल्ह्यांतील प्रत्येकी एका गावात राबवली जात आहे. याचे यश तपासून पुढील टप्प्यात प्रत्येक तालुक्यात यासाठी गावांची निवड करून काम सुरू केले जाईल. विद्यापीठ नवनवीन संशोधनात अग्रेसर आहे.
शेतकऱ्यांनी आता माल पिकतानाच त्यावर प्रक्रिया आणि मार्केटिंगसाठी प्रयत्न करणे गरजेचे आहे. आपण पिकवलेला माल निर्यात जरी केला नाही तरी देशाअंतर्गत मागणी प्रचंड असल्याने तो विकण्याची अडचण येणार नाही.
त्यामुळे दूरदृष्टिकोन ठेवत आता काम करावे लागेल. पोपटराव पवार, डॉ. राय, मोरेश्‍वर वानखडे यांनी मनोगत व्यक्त केले. या कार्यक्रमादरम्यान विद्यापीठ राबवत असलेल्या ‘मॉडेल व्हिलेज’या गावातील उच्चांकी उत्पादन घेणाऱ्या शेतकऱ्यांचा सत्कार करण्यात आला.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.